Mose II, 16:7 - BAIBLO ALOO NGMAMI KLƆUKLƆU Ɔ

⁷ Mɔtu ɔ, nyɛ maa na Yawɛ hɛ mi nyami ɔ; ejakaa e nu nyɛ munyu huitihuiti nɛ nyɛ tu kɛ si lɛ ɔ. Wɔɔ lɛɛ wa pi ni komɛ nɛ ke nyɛ hɔɔ nya si wo wa he nɛ e peeɔ nɔ́ ko.”

Mose II, 16:7 ပူးပေါင်းရင်းမြစ်များ

Yesaya 40:5

Kɛkɛ ɔ, Yawɛ hɛ mi nyami ɔ maa je kpo paa nɛ nimli adesahi tsuo maa na. Bɔ nɛ Yawɛ de to ji nɛ ɔ nɛ.”

Mose IV, 16:11

Hyɛ, Yawɛ yi nɔ nɛ o kɛ o se nyɛɛli ɔmɛ tsuo ngɛ soe ɔ nɛ. Jehanɛ, Aaron ɔ lɛɛ mɛni e pee nyɛ loko nyɛ ngɛ nya si hɔɔe kɛ ngɛ lɛ woe ɔ?”

Yohane 11:40

Yesu de lɛ ke, “Anɛ i de we mo ke, ke o he ye ɔ, o maa na Mawu hɛ mi nyami ɔ lo?”

Yohane 11:4

Benɛ Yesu nu kaa Lazaro ngɛ gboe ɔ, e de ke, “Hiɔ nɛ ɔ be Lazaro gbee, se mohu a maa gu enɛ ɔ nɔ kɛ wo Mawu hɛ mi nyami; nɛ enɛ ɔ nɔuu a kɛ maa wo Mawu Bi ɔ hɛ mi nyami.”

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Mose II, 40:34

Kɛkɛ nɛ bɔku ɔ ba ha kpe he bo tsu ɔ nɔ, nɛ Yawɛ hɛ mi nyami hyi lejɛ ɔ.

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose IV, 16:42

Se benɛ ma a tsuo nya bua ngɔ wo Mose kɛ Aaron he ɔ, a plɛ kɛ kpee kpe he bo tsu ɔ, nɛ a na kaa bɔku ɔ ba ma lejɛ ɔ, nɛ Yawɛ hɛ mi nyami ɔ je e he kpo.

Mose IV, 14:10

Kɛkɛ nɛ ma mluku ɔ tsuo de ke a fia mɛ tɛ. Se tlukaa a, Yawɛ hɛ mi nyami ɔ ba je e he kpo kɛ tsɔɔ Israel ma a tsuo ngɛ kpe he bo tsu ɔ he.

Mose IV, 14:27

“Mɛni be ma yiwutsotsɛmɛ nɛ ɔmɛ maa hɔɔ nya si kɛ wo mi kɛ yaa si? Munyu huitihuiti nɛ Israel ma a ngɛ tue kɛ ngɛ mi sie ɔ, i nu.

Mose II, 24:16

Yawɛ hɛ mi nyami ɔ kple Sinai yo ɔ nɔ, nɛ bɔku ɔ ha yo ɔ nɔ ligbi ekpa. Ligbi nɛ ji kpaago ɔ, Yawɛ tsɛ Mose kɛ je bɔku ɔ mi. Benɛ Israel bi ɔmɛ na Yawɛ hɛ mi nyami ɔ, e pee mɛ kaa la nɛ ngɛ tsoe ngɛ yo ɔ yi mi. Mose hi lejɛ ɔ nyɔ kɛ pia nyɔ kɛ pia ligbi nyingmi eywiɛ.

Mose II, 24:10

nɛ a na Israel Mawu ɔ. Ngɛ e nane si ɔ, a na nɔ́ ko kaa kpoku nɛ e mi tɛ̃ heii kaa hiɔwe, kaa nɔ́ nɛ tɛ nɛ a tsɛɛ safiro ɔ nɛ a kɛ pee lɛ.

Mose III, 9:6

Mose de mɛ ke, “Enɛ ɔ ji nɔ́ nɛ Yawɛ fa ke nyɛɛ pee konɛ nyɛɛ na Yawɛ hɛ mi nyami ɔ.”

Mose II, 16:12

“I nu Israel bi ɔmɛ a nya si hɔɔmi ɔ. De mɛ ke gbɔkuɛ nya si nɛ ɔ, nyɛ ma na lo maa ye, nɛ mɔtu ɔ, nyɛ ma na abolo maa ye nɛ nyɛ maa tɔ, kɛkɛ nyɛ maa le kaa imi ji Yawɛ, nyɛ Mawu ɔ nɛ.”

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Mose IV, 17:5

Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”