Mose II, 16:35 - BAIBLO ALOO NGMAMI KLƆUKLƆU Ɔ

³⁵ Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Mose II, 16:35 ပူးပေါင်းရင်းမြစ်များ

Yoshua 5:12

Jamɛ a ligbi ɔ nɔuu ɔ, niye ní nɛ nɛɛ kɛ jee hiɔwe ɔ se po, nɛ Israel bi ɔmɛ nɛ́ eko hu. Kɛ je jamɛ a be ɔ kɛ yaa a, zugba a nɔ niba ní ji nɔ́ nɛ a yeɔ.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Nehemia 9:15

“Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Mose IV, 33:38

Osɔfo Aaron kuɔ Hor yo ɔ kaa bɔ nɛ Yawɛ fa lɛ ɔ, nɛ e ya gbo ngɛ lejɛ ɔ. Benɛ Israel bi ɔmɛ je Egipt se ɔ, jeha nyingmi eywiɛne ɔ we nyɔhiɔ nɛ ji enuɔ ɔ we kekleekle ligbi ɔ nɛ Aaron gbo ngɛ Hor yo ɔ nɔ.

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

1 Korintobi 10:3

Mɛ tsuo a ye mumi mi ní kake,

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Mose V, 8:4

Jeha nyingmi eywiɛ nɛ ɔ tsuo mi ɔ, nyɛ tade gba we ngɛ nyɛ he, nɛ nyɛ nanehi hu fuu we.

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.