Mose II, 16:32 - BAIBLO ALOO NGMAMI KLƆUKLƆU Ɔ

³² Mose de ke, “Bɔ nɛ Yawɛ fa ji nɛ ɔ nɛ: ‘A susu mana lita enyɔ hiɛmi nya ngɔ to si ha nyɛ nina, konɛ a ba na niye ní nɛ i kɛ lɛ nyɛ ngɛ nga a nɔ benɛ i je nyɛ kɛ je Egipt zugba a nɔ ɔ.’ ”

Mose II, 16:32 ပူးပေါင်းရင်းမြစ်များ

La 105:5

Nyɛ, Mawu tsɔlɔ Abraham nina! Yakob nina, nyɛ nɛ Mawu hla! Nyɛ kai nyakpɛ níhi nɛ Mawu pee, kɛ bɔ nɛ e kojo je ma amɛ.

Luka 22:19

Jehanɛ ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ, nɛ e de ke, “Enɛ ɔ ji ye nɔmlɔ tso [nɛ a ngɔ sã bɔ ha Mawu ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Mose II, 16:16

Mlaa nɛ e wo ngɛ he ji nɛ ɔ nɛ: ‘Nyɛ ti nɔ tsuaa nɔ nɛ muɔ bɔ nɛ e ma nyɛ maa ye. Nyɛɛ muɔ bɔ nɛ maa su nihi abɔ nɛ ngɛ we tsuaa we mi ɔ nya, bɔ nɛ nɔ kake ma na lita enyɔ hiɛmi.’ ”

Mose II, 16:31

Israel bi ɔmɛ tsɛ niye ní ɔ ke mana. E ngɛ kaa tso yiblii mi wu nyafii; e hiɛ futafuta, nɛ e ngɔɔmi ngɛ kaa akpɔɔnɔɔ nɛ hwo ngɛ mi.

Mose II, 16:33

Mose de Aaron ke, “Hla buɛ ko, nɛ o kɛ mana lita enyɔ hiɛmi nya nɛ wo mi, nɛ o kɛ ma Yawɛ hɛ mi, nɛ a kɛ to si ha nyɛ nina.”

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Hosea 11:4

Kaa bɔ nɛ nɔ ko maa wo na ku nɛ e suɔ saminya a kuɛ kpa, nɛ e ma kpaka lɛ ɔ, ja i ngɔ suɔmi nɛ nya wa kɛ hɛɛ Israel ma a. I kɛ mɛ hi si ngɛ he jɔmi mi, nɛ imi nitsɛ lɛ i ha mɛ niye ní.