Mose II, 16:31 - BAIBLO ALOO NGMAMI KLƆUKLƆU Ɔ

³¹ Israel bi ɔmɛ tsɛ niye ní ɔ ke mana. E ngɛ kaa tso yiblii mi wu nyafii; e hiɛ futafuta, nɛ e ngɔɔmi ngɛ kaa akpɔɔnɔɔ nɛ hwo ngɛ mi.

Mose II, 16:31 ပူးပေါင်းရင်းမြစ်များ

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Mose II, 16:15

Benɛ Israel bi ɔmɛ na a, a li nɔ́ nɛ ji. Enɛ ɔ he je ɔ, a de ngɛ a je gbi mi ke, “Mana.” E sisi ji, “Mɛni ji nɛ ɔ?” Mose de mɛ ke, “Abolo nɛ Yawɛ ha nyɛ nɛ nyɛɛ ye ɔ ji nɛ ɔ nɛ.

Mose II, 16:14

Benɛ bɔ́ ɔ gbli ɔ, ní komɛ pue si ngɛ nga a nɔ pɛtɛpɛtɛ futafuta kaa ngo kpɔhi ngɛ zugba.

Mose II, 16:30

Lɔ ɔ he ɔ, ma a jɔɔ a he ngɛ ligbi nɛ ji kpaago ɔ nɔ.

Mose II, 16:32

Mose de ke, “Bɔ nɛ Yawɛ fa ji nɛ ɔ nɛ: ‘A susu mana lita enyɔ hiɛmi nya ngɔ to si ha nyɛ nina, konɛ a ba na niye ní nɛ i kɛ lɛ nyɛ ngɛ nga a nɔ benɛ i je nyɛ kɛ je Egipt zugba a nɔ ɔ.’ ”

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.