Mose II, 16:3 - BAIBLO ALOO NGMAMI KLƆUKLƆU Ɔ

³ nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mose II, 16:3 ပူးပေါင်းရင်းမြစ်များ

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Hiob 3:1

Jehanɛ, Hiob wo e nya nɔ nɛ e gbiɛ ligbi ɔ nɛ a fɔ lɛ ɔ.

Hiob 3:10

Á gbiɛ jamɛ a nyɔ ɔ nɛ a fɔ mi ɔ, kaa e kɛ mi wo haomi kɛ aywilɛho mi.

Hiob 3:20

Mɛni he je nimli adesahi maa hi haomi mi kɛ mwɔɔ? Mɛni he je e sa kaa nihi nɛ ngɛ aywilɛho yee ɔ a yi nɛ na wami?

La 107:5

Hwɔ ye mɛ, nɛ kuma ye mɛ hluu kɛ ya si a mumu nya ta.

La 78:19

A tu munyu kɛ si Mawu, nɛ a bi ke, “Anɛ Mawu ma nyɛ ma ha wɔ niye ní ngɛ nga a nɔ lo?

La 78:25

Mawu ha mɛ niye ní babauu; ee, adesahi na Mawu bɔfohi a niye ní lɛ a ye.

Mose II, 14:11

A bi Mose ke, “Anɛ yɔkɔhi nɛ be Egipt he je nɛ o kpaka wɔ kɛ ba nɛ wa ba gbo tlɔ nga pa lo? Mɛni he je o kɛ wɔ ye kikɛmɛ a sane, nɛ o ngɔ wɔ kɛ je Egipt ɔ?

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Mose II, 5:21

Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 44:17

Níhi tsuo nɛ wa de ke wa maa pee ɔ, lɔ ɔmɛ wa maa pee. Wa maa sã tsopa kɛ e he via kɛ ha wa yo mawu ɔ nɛ ji hiɔwe manyɛ ɔ, nɛ wa maa sã wai bɔ ha lɛ kaa bɔ nɛ waa kɛ wa nɛmɛ ɔmɛ, wa matsɛ ɔ, kɛ wa ma nimeli ɔmɛ pee be ko ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ. Jamɛ a be ɔ mi ɔ, wa ngɛ niye ní babauu; wa plɔke, nɛ haomi ko be wa nɔ.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Mose IV, 11:15

Ke kikɛ nɛ ɔ o kɛ mi maa ye ɔ, lɛɛ ke o ngɛ ye he suɔmi ɔ, gbee mi amlɔ mohu, konɛ ma ko na nɔ́ kaa kikɛ nɛ ɔ ngɛ o dɛ mi ekohu.”

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose IV, 14:2

Israel ma mluku ɔ tsuo hɔɔ nya si ngɔ wo Mose kɛ Aaron a he, nɛ a de ke, “Wa ná nɛ jinɛ wa gbo ngɛ Egipt zugba a nɔ, loo ngɛ nga nɛ ɔ nɔ po!

Mose IV, 14:3

Mɛni he je Yawɛ kpaka wɔ kɛ yaa zugba nɛ ɔ nɔ, nɛ wa ya gbo ngɛ klaate nya, nɛ a ngɔ wa yihi, kɛ wa bimɛ nyɔguɛ ɔ? Anɛ e be hie mohu kaa waa kpale wa se kɛ ho Egipt ya lo?”

Mose IV, 16:13

O kpaka wɔ kɛ je zugba nɛ hi, nɛ baa ní nɔ, nɛ́ o ba gbe wɔ ngɛ nga nɛ ɔ nɔ. Anɛ enɛ ɔ pi ha mo, nɛ o pa ngɛ hlae nɛ o ye ganɔ ngɛ wa nɔ?

Mose IV, 16:41

E nɔ jena a, Israel ma a tsuo hɔɔ nya si kɛ wo Mose kɛ Aaron, nɛ a de ke, “Nyɛ lɛ nyɛ gbe Yawɛ ni ɔmɛ ɔ nɛ.”

Mose IV, 21:5

nɛ a tu munyu kɛ si Mawu kɛ Mose ke, “Mɛni he je nɛ nyɛ kpaka wɔ kɛ je Egipt nɛ wa ba gbo ngɛ nga nɛ ɔ nɔ, he nɛ niye ní, loo nyu ko be ɔ? Kikɛmɛ a niye ní gbogboe nɛ ɔ lɛɛ wa sume oo, wa sume!”

Ni Tsumi 26:29

Paulo he nɔ ke, “Be ɔ kɛ jio, e kɛ́ we jio; i na nɛ jinɛ Mawu ha e ba mi kaa pi mo nɔ kake kɛkɛ, se mohu nihi tsuo nɛ ngɛ mi tue bue mwɔnɛ nɛ ɔ hu ko pee kaa bɔ nɛ i ngɛ nɛ ɔ; kɔsɔkɔsɔ nɛ ɔmɛ pɛ lɛ a ko wo mɛ!”

1 Korintobi 4:8

Tse nyɛ ná nɔ́ tsuaa nɔ́ nɛ hia nyɛ! Tse nyɛ ná ní momo! Nyɛ ngɛ matsɛ yee, be mi nɛ wɔɔ lɛɛ wa be nɔ́ ko mi; pi jã? I na nɛ nyɛ ngɛ matsɛ yee niinɛ, konɛ waa piɛ nyɛ he kɛ ye.

2 Korintobi 11:1

I na nɛ jinɛ nyɛ na tsui ha mi, ke ji kaa i ngɛ kuasia jee po. Ee, nyɛɛ na ha mi!

Mose V, 28:67

Nɔ́ tsuaa nɔ́ nɛ nyɛ hɛngmɛ maa na a maa wo nyɛ he gbeye, nɛ nyɛ tsui maa po.

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Yoshua 7:7

Yoshua de ke, “Aa, Nyɔmtsɛ Mawu, mɛni he je o kɛ ma a po Yordan pa a kɛ ba hiɛ ɔ kulaa lɛɛ? O kɛ wɔ ba ha Amor bi ɔmɛ nɛ a kpata wa hɛ mi lo? Mɛni he je wa hí Yordan pa a se kɛkɛ?