Mose II, 16:28 - BAIBLO ALOO NGMAMI KLƆUKLƆU Ɔ

²⁸ Nɛ Yawɛ de Mose ke, “Kɛ yaa si mɛni be nɛ nyɛ maa ya nɔ ma gbo mi tue nɛ nyɛ ma kua ye mlaa amɛ a nɔ yemi?

Mose II, 16:28 ပူးပေါင်းရင်းမြစ်များ

La 78:10

Somi nɛ Mawu kɛ mɛ so ɔ, a yi nɔ; e mlaa a hu a kua nɔ yemi.

La 106:13

Se e kɛ we kulaa nɛ a hɛ je níhi tsuo nɛ e pee ha mɛ ɔ nɔ; nɛ a bui e ga womi tue hu.

Ezekiel 20:13

Se Israel ma a tsɔ ye hɛ mi atuã ngɛ nga a nɔ. A yi ye mlaa amɛ, kɛ blɔ nya tomi ɔmɛ a nɔ; a bui mɛ kaa níhi nɛ ke nɔmlɔ ye a nɔ ɔ, e yi ma na wami. A ble ye Hejɔɔmi ligbi ɔmɛ hu kpɔtɔɔ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ, nɛ ma kpata a hɛ mi pɛsɛpɛsɛ.

Matsɛmɛ II, 17:14

Se a bui tete; a kuɛ wa kaa a nɛmɛ ɔmɛ nɛ he we Yawɛ, a Mawu ɔ yi ɔ pɛpɛɛpɛ.

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Ezekiel 20:16

ejakaa a kua ye blɔ nya tomi ɔmɛ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hu kpɔtɔɔ. Ejakaa a suɔ wawɛɛ kaa a ma ja amaga amɛ mohu.

Ezekiel 5:6

Se Yerusalem tsɔ atuã; e yi ye mlaa amɛ a nɔ, mohu e pee yayamihi nɛ nya wa babauu pe je ma kpa amɛ nɛ bɔle lɛ ɔ. E wa tue, nɛ e bui nɔ́ ko nɔ́ ko. Yerusalem yi ye mlaa amɛ a nɔ.

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Yesaya 7:13

Yesaya he nɔ ke, “Matsɛ David nina, jehanɛ bu tue. E ji nɔ́ yayami kaa o maa hao nimli adesahi hluu kɛ yaa si a tsui si tomi maa ta. Anɛ o ngɛ hlae nɛ o hao wa Mawu ɔ hu ja kɛ yaa si e tsui si tomi maa ta lo?

Yesaya 7:9

Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

La 78:22

Ejakaa a ngɔɛ a hɛ kɛ fɔɛ Mawu nɔ; a he we yi kaa e ma he a yi wami.

Mose IV, 20:12

Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 16:27

Ligbi nɛ ji kpaago ɔ, a ti ni komɛ je kpo nɛ a ya bua niye ní nya, se a nɛ eko.

Mose II, 16:29

Nyɛɛ hyɛ, imi Yawɛ, i ha nyɛ Hejɔɔmi ligbi; nɛ lɔ ɔ he ɔ, ligbi nɛ ji ekpa a nɔ ɔ, i haa nyɛ ligbi enyɔ nya ní. Nɔ tsuaa nɔ nɛ hi si ngɛ he nɛ e ngɛ; nɔ ko nɔ ko kó je kpo kɛ ya he ko ngɛ ligbi nɛ ji kpaago ɔ nɔ.”

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.