Mose II, 16:23 - BAIBLO ALOO NGMAMI KLƆUKLƆU Ɔ

²³ Mose de mɛ ke, “Bɔ nɛ Yawɛ de ji nɛ ɔ nɛ: ‘Hwɔɔ ji he jɔɔmi ligbi, Yawɛ Hejɔɔmi ligbi klɔuklɔu. Nyɛɛ sã nɔ́ tsuaa nɔ́ nɛ nyɛ ngɛ sami, nɛ nyɛɛ hoo nɔ́ tsuaa nɔ́ nɛ nyɛ ngɛ hoomi, nɛ nɔ́ nɛ maa piɛ ngɛ se ɔ, nyɛ ngɔ to si kɛ yaa si mɔtu.’ ”

Mose II, 16:23 ပူးပေါင်းရင်းမြစ်များ

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Mose II, 31:15

Ligbi ekpa a kɛ tsu ní; se ligbi nɛ ji kpaago ɔ lɛɛ e ji imi Yawɛ, ye Hejɔɔmi ligbi nɛ ngɛ klɔuklɔu. Nɔ tsuaa nɔ nɛ ma tsu ní ngɛ Hejɔɔmi ligbi ɔ nɔ ɔ, a gbe lɛ.

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Mose IV, 11:8

Ke ni ɔmɛ ya bua mana nya kikɛ nɛ ɔ, a wɛɛɔ ngɛ wɛ nɔ, aloo a gbeeɔ ngɛ fufui tso mi. Lɔ ɔ se ɔ, a hooɔ ngɛ buɛ mi, nɛ a kɛ peeɔ keeki; e ngɔɔ kaa keeki nɛ a ngɔ nu kɛ sã.

Mose II, 16:19

Mose de mɛ ke, “Nɔ ko nɔ ko kó to eko nɛ je nɛ na yi.”

Mose V, 5:12

“ ‘Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi, kaa bɔ nɛ imi Yawɛ, o Mawu ɔ fa mo ɔ.

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.

Yeremia 17:22

Jehanɛ se hu, a ko tloo nɔ́ ko kɛ je a we ɔmɛ a mi kɛ je kpo Hejɔɔmi ligbi ɔ, nɛ a ko tsu nɔ́ ko hulɔ. Se mohu ɔ, a ye Hejɔɔmi ligbi ɔ kaa ligbi klɔuklɔu kaa bɔ nɛ i wo a nɛmɛ ɔmɛ mlaa ke a pee ɔ.

Mose IV, 11:7

Mana ngɛ kaa nya mi saalɔ, nɛ e su ngɛ kaa hlɔɔba nyu nɛ je tso he toto mi pue si.