Mose II, 16:15 - BAIBLO ALOO NGMAMI KLƆUKLƆU Ɔ

¹⁵ Benɛ Israel bi ɔmɛ na a, a li nɔ́ nɛ ji. Enɛ ɔ he je ɔ, a de ngɛ a je gbi mi ke, “Mana.” E sisi ji, “Mɛni ji nɛ ɔ?” Mose de mɛ ke, “Abolo nɛ Yawɛ ha nyɛ nɛ nyɛɛ ye ɔ ji nɛ ɔ nɛ.

Mose II, 16:15 ပူးပေါင်းရင်းမြစ်များ

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

Mose II, 16:31

Israel bi ɔmɛ tsɛ niye ní ɔ ke mana. E ngɛ kaa tso yiblii mi wu nyafii; e hiɛ futafuta, nɛ e ngɔɔmi ngɛ kaa akpɔɔnɔɔ nɛ hwo ngɛ mi.

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

1 Korintobi 10:3

Mɛ tsuo a ye mumi mi ní kake,

Nehemia 9:20

O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

Nehemia 9:15

“Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Yoshua 5:12

Jamɛ a ligbi ɔ nɔuu ɔ, niye ní nɛ nɛɛ kɛ jee hiɔwe ɔ se po, nɛ Israel bi ɔmɛ nɛ́ eko hu. Kɛ je jamɛ a be ɔ kɛ yaa a, zugba a nɔ niba ní ji nɔ́ nɛ a yeɔ.

Yohane 6:49

Nyɛ nɛmɛ ɔmɛ ye mana ngɛ nga a nɔ, nɛ a gbo.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.

Mose IV, 21:5

nɛ a tu munyu kɛ si Mawu kɛ Mose ke, “Mɛni he je nɛ nyɛ kpaka wɔ kɛ je Egipt nɛ wa ba gbo ngɛ nga nɛ ɔ nɔ, he nɛ niye ní, loo nyu ko be ɔ? Kikɛmɛ a niye ní gbogboe nɛ ɔ lɛɛ wa sume oo, wa sume!”

Mose II, 16:33

Mose de Aaron ke, “Hla buɛ ko, nɛ o kɛ mana lita enyɔ hiɛmi nya nɛ wo mi, nɛ o kɛ ma Yawɛ hɛ mi, nɛ a kɛ to si ha nyɛ nina.”

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Luka 12:30

Ejakaa nihi nɛ he we Mawu yi ɔ, ní nɛ ɔmɛ a se nɛ a dii. Nyɛ Tsɛ ɔ le kaa ní nɛ ɔmɛ a he hia nyɛ.

Abɛ Womi 9:5

“Ba nɛ o ba ye ye ní ɔ eko, nɛ o nu wai nɛ i futu ɔ hu eko!

La 78:24

E ha mɛ ngma kɛ je hiɔwe; ee, e ha mɛ mana nɛ a ye.

La 105:40

A bi lɛ niye ní, nɛ e ha mɛ hɔne. E ha mɛ niye ní kɛ je hiɔwe, nɛ a ye nɛ a tɔ.