Mose II, 15:9 - BAIBLO ALOO NGMAMI KLƆUKLƆU Ɔ

⁹ He nyɛlɔ ɔ ke, ‘Ma nyɛɛ a se nɛ ma ya na mɛ; ma dla ta ní ɔmɛ ngɛ ye suɔmi nya. Ma hia ye ha a, nɛ ma kpata a hɛ mi.’

Mose II, 15:9 ပူးပေါင်းရင်းမြစ်များ

Mose I, 49:27

“Benyamin ngɛ kaa ogbetee nɛ tsɔtslɔɔ e he nyɛli a mi. Mɔtu ɔ, e gbeɔ mɛ nɛ e yeɔ. Gbɔkuɛ ɔ, e dlaa ta yibu ní.”

Samuel II, 22:38

I nyɛɛ ye he nyɛli ɔmɛ a se, nɛ i kpata a hɛ mi; i kpale we ye se kɛ ya si mɛ tsuo pɛpɛɛpɛ a gbo.

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Matsɛmɛ I, 20:10

Pee se ɔ, Benhadad kpale tsɔ mɛ Ahab ngɔ ekohu nɛ e ya de lɛ ke, “Ma ngɔ nimli nɛ a he hiɛ babauu pe Samaria tabo zu kɛ ba kpata o ma a hɛ mi. Ke i nyɛ we ma pee nɔ́ nɛ ɔ, lɛɛ mawu ɔmɛ nɛ a fia mi nɔ nɛ a gbe!”

Mose II, 14:5

Benɛ a ya bɔ Egipt matsɛ ɔ ke ni ɔmɛ tu fo kɛ je ɔ, Farao ɔ kɛ e tsɔli ɔmɛ tsake a juɛmi ngɛ Israel bi ɔmɛ a he, nɛ a de ke, “Mɛni wa pee nɛ ɔ, kaa wa ngmɛɛ Israel bi ɔmɛ a he nɛ a ho nɛ a be wɔ sɔmɔe hu nɛ ɔ?”

Abɛ Womi 16:19

E hi kaa o maa pee o he humi nɛ a na mo ngɛ ohiatsɛmɛ a kpɛti, pe nɔ́ nɛ a maa na mo nɛ o kɛ he nɔ woli ngɛ ní nɛ a ha dlae.

Yesaya 36:20

Je ma amɛ tsuo a mawu ɔmɛ a ti eko nyɛ kpɔ e ma kɛ je Asiria matsɛ ɔ dɛ mi hyɛ lo? Lɛɛ mɛni haa nɛ nyɛ susuɔ kaa Yawɛ ma nyɛ kpɔ Yerusalem ngɛ ye dɛ mɔ?”

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yeremia 46:17

“Egipt matsɛ ɔ, nyɛɛ wo lɛ biɛ he; nyɛ tsɛ Farao ɔ ke, ‘Nyapuutsɛ nɛ e he wami ta!’

Habakuk 3:14

Benɛ he nyɛli ɔmɛ hia ta kɛ ma puu kaa ahumi, konɛ a ba gbɛ wɔ ngɔ fĩa, nɛ e pee mɛ kaa peepee ta wa he, nɛ balɔ ko be, lɔ ɔ a nine gbe wɔ ɔ, o tsɛ o kɛ̃ɛ̃ mi bi ɔmɛ kɛ ya na a tatsɛ nɔkɔtɔma a.

Luka 11:22

Se ke nɔ nɛ he wa pe lɛ ba tua lɛ, nɛ e ye e nɔ ɔ, e kpɔɔ e ta hwumi níhi tsuo nɛ e ngɔ e hɛ ngɔ fɔ nɔ ɔ ngɛ e dɛ, nɛ e dlaa e ju ní ɔ mi.

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

Samuel I, 30:8

David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”