Mose II, 15:5 - BAIBLO ALOO NGMAMI KLƆUKLƆU Ɔ

⁵ Nyu kpekpemi ɔ ha a nɔ, nɛ a mu kɛ ho nyu ɔ sisi lokoo ya kaa tɛ.

Mose II, 15:5 ပူးပေါင်းရင်းမြစ်များ

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

Mose II, 15:10

Se o ha kɔɔhiɔ fia, nɛ wo ɔ ha a nɔ; Egipt bi ɔmɛ mu kaa sumue ngɛ nyu nɛ he ngɛ gbeye ɔ mi.

Mose II, 14:28

Nyu ɔ kpale ba tsa, nɛ Farao ɔ ta zugba lɛ ɔmɛ, e we okpɔngɔ ta buli ɔmɛ, kɛ e tabo ɔ tsuo nɛ nyɛɛ Israel bi ɔmɛ a se kɛ ya sɛ wo ɔ mi ɔ tlɔ mi nɛ a ti nɔ kake po píɛ.

Ezekiel 27:34

Jehanɛ lɛɛ o hɛ mi kpata ngɛ wo ɔ mi, o mu kɛ ho wo ɔ sisi tɔɔ ya. O kɛ o lɛ mi bi ɔmɛ, kɛ o guɛ ní ɔmɛ tsuo mu kɛ ho nyu ɔ sisi ya.’

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Mateo 18:6

“Hemi kɛ yemi nɛ jokuɛ tsɔwi nɛ ɔmɛ ngɛ ngɛ ye mi ɔ, ke nɔ ko ha nɛ a ti nɔ kake hemi kɛ yemi ɔ ta a, afani nɛ a kɛ teji wɛ muɔ nɔ ɔ kuɛ, nɛ a sake lɛ kɛ fɔ wo mi he nɛ kuɔ.

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Yona 2:2

nɛ e de ke, “Yawɛ, i tsɛ mo ngɛ ye fimi be mi nɛ o bu mi tue. I fa kue ha mo kɛ je gbeje lokoo nɛ o nu ye gbi.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

La 106:11

Se nyu ɔ ba ha a he nyɛli ɔmɛ a nɔ, nɛ a ti nɔ kake ngmelu po ji mi.

Abɛ Womi 8:24

Benɛ wo be, nɛ nyu vuhi hu be ɔ, jamɛ a be ɔ, imi lɛɛ a fɔ mi momo.