Mose II, 15:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

Mose II, 15:20 ပူးပေါင်းရင်းမြစ်များ

La 150:4

Nyɛɛ fia miɛ, nɛ nyɛɛ do kɛ je e yi; nyɛ je e yi kɛ kpa saku, kɛ bɛ!

Samuel I, 18:6

Benɛ David gbe Goliat nɛ e kɛ ta buli ɔmɛ kpale a se kɛ ma a, Israel yi ɔmɛ je a ma amɛ tsuo a mi kɛ ba, nɛ a kɛ bua jɔmi la, kɛ do, kɛ kpa saku ba kpee Matsɛ Saul.

La 68:25

Lali nyɛɛ hɛ mi, yihewi fao fiali nyɛɛ a se, nɛ saku fiali gbe nya. A ngɛ dee ke,

Manyadali 11:34

Benɛ Yefta kpale kɛ ma e we ɔ mi ngɛ Mizpa, nɛ e maa hyɛ ɔ, e biyo ɔ ji nɛ ɔ nɛ je kpo kɛ ma lɛ kpee mi kɛ fao fiami, kɛ domi. Lɛ pɛ ji e bi; e be binyumu, loo biyo kpa ko ngɛ e se.

Mose IV, 26:59

Amram yo ji Yokebed, Levi biyo ɔ nɛ e fɔ ngɛ Egipt ɔ. Amram kɛ lɛ fɔ Aaron, Mose, kɛ a nyɛmiyo Miriam.

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

La 149:3

Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.

Manyadali 4:4

Jamɛ a be ɔ mi ɔ, gbalɔyo ko ji nɔ nɛ ngɛ Israel ma a nya. Lɛ ji Lapidot yo Debora.

Luka 2:36

Gbalɔ yo yomoyo kotokoto ko hi si nɛ a tsɛɛ lɛ Ana. E tsɛ biɛ ji Fanuel, nɛ e je Asher wɛtso ɔ mi. E kɛ e huno hi si jeha kpaago pɛ ngɛ e yihe mi,

La 81:2

Nyɛ je la, nɛ nyɛɛ fia gɔgɔ. Nyɛɛ fia saku nɛ gbi ngɔɔ, nɛ nyɛɛ fia miɛ kɛ piɛ he.

Matsɛmɛ II, 22:14

Osɔfo Hilkia, Ahikam, Akbor, Shafan, kɛ Asaya pue nɔ kɛ ho Yerusalem ma he ɔ mi ya ya bi ní ngɛ gbalɔyo Hulda ngɔ. (Hulda nɛ ɔ, sɔlemi we ɔ tadehi a nɔ hyɛlɔ Harhas binyumu Tikva hu binyumu Shalum yo ji lɛ.) Benɛ a ya bɔ gbalɔyo ɔ nɔ́ nɛ ba a,

Mose II, 2:4

Bimwɔyo ɔ nyɛmiyo daa si ngɛ se banee ngɛ hyɛe kaa mɛni lɛ maa pee bimwɔyo ɔ lo.

Ni Tsumi 21:9

E ngɛ biyiwi eywiɛ nɛ gba we lolo, nɛ a fiɛɔ Mawu munyu ɔ.

La 68:11

Nyɔmtsɛ ɔ wo gbi, nɛ nihi babauu ngɔ sɛ gbi ɔ kɛ ho ke,

La 30:11

O ha nɛ i kpa kɔmɔ yemi nɛ i bɔni domi. O je kpekpe ya bo ɔ ngɛ ye he, nɛ o ha mi bua jɔmi.

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.

Manyadali 21:21

Ke nyami ligbi ɔ su, nɛ Shilo zangmawi ɔmɛ ba nɛ a ba ngɛ doe ɔ, nyɛɛ je wai ngmɔ ɔmɛ a mi kɛ ba. Ke nyɛ ba a, nyɛ ti nɔ tsuaa nɔ nɛ nu Shilo zangmayo kake pani nya, nɛ e ngɔ lɛ kɛ ya Benyamin zugba a nɔ, nɛ e ya pee e yo.

Mose IV, 20:1

Israel ma kpekpemi ɔ tsuo ba Zin nga a nɔ kekleekle nyɔhiɔ ɔ, nɛ a ba to si ngɛ Kadesh. Benɛ a ngɛ lejɛ ɔ, Miriam ba gbo, nɛ a pu lɛ.

1 Korintobi 11:5

Jã kɛ̃, yo tsuaa yo nɛ ngɛ sɔlee, aloo e ngɛ Mawu sɛ gbi ɔ fiɛe, nɛ e kɛ nɔ́ hɛ́ e yi nɔ ɔ, e huno nɛ ji e yi ɔ hɛ mi si e ngɛ puee ɔ nɛ. Slɔɔto be e kɛ yo nɛ sɛ e yi nɔ a kpɛti.

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

1 Korintobi 14:34

Ke nyɛ kpe nɛ nyɛ ngɛ Mawu jae ɔ, yi ɔmɛ nɛ a pee dii. A ngmɛ́ mɛ blɔ nɛ a tu munyu, mohu a ba a he si kaa bɔ nɛ Mose mlaa a hu tsɔɔ ɔ.

Mose IV, 12:1

Mose ya ngɔ Kush yo ko, nɛ Miriam kɛ Aaron tu munyu kɛ si Mose ngɛ nɔ́ nɛ ɔ he.

Mose I, 31:27

Mɛni he je o sisi mi, nɛ o ku kɛ je nigii nɛ o de we mi ɔ? Kaa o de mi jinɛ tse i kɛ bua jɔmi, kɛ la, kɛ miɛ, kɛ saku ba je mo blɔ!

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Kronika I, 6:3

Amram binyumuhi ji Aaron kɛ Mose. E ngɛ biyo hu nɛ a tsɛɛ lɛ Miriam. Aaron binyumuhi ji Nadab, Abihu, Eleazar, kɛ Itamar.

Kronika I, 15:16

David fa Levi bi ɔmɛ a nya dali ɔmɛ ke a ha nɛ a nyɛmimɛ ɔmɛ nɛ a la kɛ bua jɔmi, nɛ a fia saku, kɛ ngmlɛ, gegeege.

Fiɛlɔ 3:4

Ya fomi be ngɛ, nɛ muɔmi be ngɛ. Kɔmɔ yemi be ngɛ, nɛ domi be ngɛ.

Yeremia 31:4

Ma to nyɛ si ekohu. Nyɛ maa ngɔ nyɛ fao ɔmɛ, nɛ nyɛ maa do kɛ bua jɔmi ekohu.

Mose IV, 12:2

A bi ke, “Anɛ Mose nɔ kake too nɔ Yawɛ gu kɛ tu munyu lo? Anɛ wɔɔ lɛɛ e gui wa nɔ kɛ tu we munyu lo?” Yawɛ nu nɔ́ nɛ a de ɔ.

Nehemia 6:14

I sɔle ke, “Mawu, i kpa mo pɛɛ nɛ o kai nɔ́ nɛ Tobia kɛ Sanbalat pee ɔ, nɛ o gbla a tue. Mo kai jamɛ a gbalɔyo Nodia, kɛ gbali kpa amɛ nɛ a ka kaa a maa wo ye he gbeye ɔ.”

La 68:26

“Nyɛ ma kpekpemi ɔ, nyɛ je Mawu yi! Nyɛ Yakob nina tsuo, nyɛ je Yawɛ yi!”