Mose II, 15:2 - BAIBLO ALOO NGMAMI KLƆUKLƆU Ɔ

² Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Mose II, 15:2 ပူးပေါင်းရင်းမြစ်များ

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

Samuel II, 22:3

Ye Mawu ɔ ji nɔ nɛ baa ye yi; e ngɔ nɛ i saa we ngɛ. Ye Mawu ɔ ji ye tsɛ̃i, ye wesa he, kɛ ye mɔ; lɛ nɛ e heɔ ye yi wami.

Samuel II, 22:47

Yawɛ hɛ ngɛ! Tɛ sa a nɛ baa ye yi ɔ, a je e yi. Ye Mawu ɔ nɛ he ye yi wami ɔ, a wo e biɛ ta kaa e kle, nɛ e he wa.

Samuel II, 22:51

Mawu haa nɛ e matsɛ ɔ yeɔ kunimi nguahi. E jeɔ e suɔmi nɛ be nyagbe ɔ kpo kɛ tsɔɔ David, nɔ nɛ a pɔ lɛ nu ɔ, kɛ e nina kɛ yaa neneene.

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Samuel II, 7:5

“Yaa nɛ o ya de ye tsɔlɔ David ke Yawɛ ke, ‘Pi mo nɛ o maa po we ha mi nɛ ma hi mi.

Matsɛmɛ I, 8:13

Jehanɛ lɛɛ, i po we saminyayoo ko ha mo nɛ o hi lejɛ ɔ kɛ ya neneene.”

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika I, 16:14

Yawɛ ji wa Mawu; e mlaa amɛ ngɛ kɛ ha je ɔ tsuo.

La 109:1

Mawu, i ngɛ o yi jee; koo pee dii.

La 118:14

Yawɛ lɛ woɔ mi he wami; ma la kɛ je e yi, ejakaa e he ye yi wami.

La 118:21

Yawɛ, o nɔ́ ji sina; ejakaa o bu mi tue, nɛ o he ye yi wami.

La 118:28

Mo ji ye Mawu; ma na mo si. Mo ji ye Mawu; ma wo o hɛ mi nyami.

La 132:5

kɛ yaa si be nɛ ma na he ko ha mo Yawɛ, Yakob Mawu Ope ɔ, konɛ lejɛ ɔ nɛ pee o hi he!”

La 140:7

Ye Nyɔmtsɛ Yawɛ, ye yi wami helɔ kpanaa, ta be mi ɔ, mo nɔuu lɛ o baa ye yi.

La 145:1

Ye Mawu kɛ ye matsɛ, ma wo o hɛ mi nyami, nɛ ma na mo si daa.

La 18:46

Yawɛ hɛ ngɛ! A je ye he bulɔ ɔ yi! Mawu ɔ nɛ heɔ ye yi wami ɔ, a wo e hɛ mi nyami.

La 22:10

Kɛ je be mi nɛ maa fɔ mi tɔɔ lɛ i ngɔ ye hɛ ngɔ fɔ o nɔ. Mo nɔ kake too ji ye Mawu.

La 22:3

Se kɛ̃ ɔ, mo ji Mawu klɔuklɔu ɔ nɛ hii si ngɛ matsɛ sɛ ɔ nɔ. Mo, o yi lɛ Israel jeɔ.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

La 28:8

Yawɛ buɔ e ma a he. Nɔ nɛ e pɔ lɛ nu ɔ, e faa e he, nɛ e baa e yi.

La 30:1

Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

La 34:3

Nyɛ ha nɛ wɔ tsuo waa wo Yawɛ hɛ mi nyami nɛ wa je e yi.

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

La 59:17

Mawu, mo o nɔ ma ngɔ ye hɛ kɛ fɔ, ejakaa mo Mawu ji ye wesa he. Ma la kɛ je o yi, ejakaa mo, Mawu lɛ o naa mi mɔbɔ daa.

La 68:20

Wa Mawu ɔ, Mawu nɛ heɔ nɔ yi wami ji lɛ; Nyɔmtsɛ Yawɛ ɔ, lɛ nɛ e jeɔ nɔ kɛ jeɔ gbenɔ mi.

La 99:5

Nyɛ je Yawɛ, wa Mawu ɔ yi! Nyɛ kpla si ngɛ e matsɛ sɛ ɔ hɛ mi nɛ nyɛ ja lɛ. Mawu klɔuklɔu ji lɛ!

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Mose II, 4:22

Bɔ nɛ o ma de Farao ɔ ji, Yawɛ ke, ‘Israel ɔ, ye binyumu ji lɛ; ee ye bitɛte ji lɛ!

Mose II, 40:34

Kɛkɛ nɛ bɔku ɔ ba ha kpe he bo tsu ɔ nɔ, nɛ Yawɛ hɛ mi nyami hyi lejɛ ɔ.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yeremia 3:23

Niinɛ, wɔhi nɛ wa ngɛ jae ngɛ yoku ɔmɛ a nɔ kɛ huhui bami nɛ ɔ, wa na we a he se ko. Yawɛ, wa Mawu ɔ pɛ ji Israel he piɛlɔ, kɛ yi wami helɔ.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Luka 1:77

O ma de e ma a ke Mawu maa ngɔ a he yayami kɛ pa mɛ, nɛ e ma he a yi wami.

Luka 2:30

Ejakaa kpɔlɔ ɔ nɛ o wo si ke o ma ha je ɔ, i na lɛ kɛ imi nitsɛ ye hɛ ngmɛ paa.

Yohane 4:22

Nyɛ Samaria bi, nyɛ li nɔ tutuutu nɛ nyɛ jaa a; se wɔ Yuda bi lɛɛ nɔ nɛ wa jaa a, wa le lɛ; ejakaa wɔ nɛ wa ngɔ yi wami hemi kɛ ba.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

Mose V, 10:21

Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Filipibi 2:11

nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 19:1

Enɛ ɔ se ɔ, i nu nɛ nɔ́ ko ngɛ pɛe ngɛ hiɔwe boboobo kaa nihi babauu a gbi ke, “A je Mawu yi! Mawu ji wa yi wami helɔ! E je agbo, nɛ e ngɛ he wami!

Manyadali 5:21

Kishon pa a muɔ mɛ kɛ ho; niinɛ, Kishon nyu dɔ ɔ muɔ mɛ kɛ ho. Imi lɛɛ ma nyɛɛ kɛ he wami!