Mose II, 15:17 - BAIBLO ALOO NGMAMI KLƆUKLƆU Ɔ

¹⁷ O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

Mose II, 15:17 ပူးပေါင်းရင်းမြစ်များ

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 80:8

O ngɔ wai tso kɛ je Egipt kɛ ba. O fie je ma amɛ kɛ je a zugba a nɔ, nɛ o ma wai tso ɔ ngɛ lejɛ ɔ.

Yeremia 32:41

Ma ná a he bua jɔmi, nɛ ma suɔ kaa ma pee mɛ kpakpa. Nɛ ma to mɛ si saminya ngɛ zugba nɛ ɔ nɔ.

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

Mose II, 15:13

O kɛ o suɔmi nɛ tsakee we ɔ kpaka ma nɛ o kpɔ ɔ; nɛ o kɛ o he wami tsɔɔ mɛ blɔ kɛ ba o zugba klɔuklɔu ɔ nɔ.

Mose II, 23:20

“Hyɛ, i ngɛ bɔfo ko tsɔe kɛ nyɛɛ o hɛ mi, nɛ e bu o he ngɛ blɔ ɔ nɔ hluu kɛ yaa si he nɛ i dla ngɔ to mo ɔ.

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Mose V, 33:19

A maa kpee nibwɔhi kɛ ba a yo ɔmɛ a nɔ, nɛ a maa sã bɔ nɛ sa ngɛ lejɛ ɔ. A ma na ní kɛ je wo mi, nɛ a ma na ní kɛ je wo nya zia hu mi.”

Samuel II, 7:10

I hla hi he ko ha ye ma Israel, nɛ i to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je benɛ a ba zugba nɛ ɔ nɔ ɔ, be nɛ manyadali lɛ ngɛ a nɔ yee ɔ, nɔ́ sɔuu nɛ ye ma a ngɛ nae ngɛ nimli yayamihi a dɛ mi. Se enɛ ɔ tsuo se maa po. I ngɛ si woe kaa ma ha o maa ye o he kɛ je o he nyɛli ɔmɛ tsuo a dɛ mi; nɛ o bimɛ ma ba ye zugba nɛ ɔ nɔ.

Matsɛmɛ I, 8:13

Jehanɛ lɛɛ, i po we saminyayoo ko ha mo nɛ o hi lejɛ ɔ kɛ ya neneene.”

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 68:16

Yo nɛ Mawu hla ha e he ɔ, mɛni he je nyɛ yo gojogojoohi nyɛ hɛ ngɛ e nɔ kɔ̃e? Ee, lejɛ ɔ Yawɛ maa hi kɛ maa ya neneene!

La 76:2

E we ngɛ Yerusalem, Zion ji he nɛ e hii.

La 80:15

Wai tso bɔbɔyoo ɔ nɛ mo nitsɛ o ma, nɛ o hyɛ nɔ saminya kɛ ya si e bɔ kikɛ nɛ ɔ, ba nɛ o ba he e yi wami.

La 114:2

Yuda ba pee Nyɔmtsɛ ɔ ma klɔuklɔu, nɛ Israel ba pee e nɔ yemi he.

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Yoshua 22:19

Lɔ ɔ he ɔ, ke nyɛ zugba a nɔ hí nɛ́ a ja Mawu ngɛ ɔ, nyɛɛ kpale kɛ ba Yawɛ zugba a nɔ, he nɛ e bo tsu ɔ ngɛ ɔ. Nyɛ ha nɛ a ha nyɛ zugba ko ngɛ wa ngɔ. Nyɛ ko tsɔ atuã kɛ si Yawɛ, nɛ nyɛ ko pee wɔ hu atuã tsɔli kaa nyɛ maa ma bɔ sami la tɛ kpa ko kɛ piɛ Yawɛ, wa Mawu ɔ bɔ sami la tɛ ɔ he.

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Ezekiel 37:28

Ke i ma ye we ɔ ngɛ lejɛ ɔ, nɛ i ngɛ a kpɛti daa kɛ yaa neneene ɔ, kɛkɛ je ma amɛ maa le kaa imi ji Yawɛ; nɛ imi nitsɛ lɛ i hla Israel kaa ye ma a nɛ.”