Mose II, 15:16 - BAIBLO ALOO NGMAMI KLƆUKLƆU Ɔ

¹⁶ Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

Mose II, 15:16 ပူးပေါင်းရင်းမြစ်များ

Mose I, 35:5

Benɛ Yakob kɛ e yi ɔmɛ, e bimɛ ɔmɛ, kɛ e we bi ɔmɛ hia kɛ yaa a, sawale nu ni ɔmɛ ngɛ ma amɛ nɛ bɔle mɛ ɔ a mi; lɔ ɔ he ɔ, a nyɛɛ we a se.

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

La 105:38

Benɛ Israel bi ɔmɛ je ɔ, Egipt bi ɔmɛ na bua jɔmi wawɛɛ nitsɛ; ejakaa a ye Israel bi ɔmɛ gbeye.

La 74:2

Mo kai mo nitsɛ o ma nɛ o he kɛ je blema lokoo ɔ. Mo kai nihi nɛ o je kɛ je nyɔguɛ si himi mi, nɛ o pee mɛ mo nitsɛ o ma a. Mo kai Zion yo ɔ, he nɛ o hi sa a.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

Mose II, 11:7

Se Israel bi ɔmɛ lɛɛ gbe po be huãe kɛ wo nɔmlɔ ko, loo lohwe ko. Nɛ enɛ ɔmɛ nyɛ ma kɛ le kaa imi Yawɛ, i kɛ mi gbami ba Egipt bi ɔmɛ, kɛ Israel bi ɔmɛ a kpɛti.’

Mose II, 15:13

O kɛ o suɔmi nɛ tsakee we ɔ kpaka ma nɛ o kpɔ ɔ; nɛ o kɛ o he wami tsɔɔ mɛ blɔ kɛ ba o zugba klɔuklɔu ɔ nɔ.

Mose II, 15:5

Nyu kpekpemi ɔ ha a nɔ, nɛ a mu kɛ ho nyu ɔ sisi lokoo ya kaa tɛ.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Mose II, 18:8

Mose bɔ e ngatsɛ ɔ a blɔ hiami ɔ mi sanehi tsuo: níhi nɛ Yawɛ pee Farao ɔ kɛ Egipt bi ɔmɛ nɛ e kɛ kpɔ Israel bi ɔmɛ, a blɔ hiami ɔ mi pɔtɔ kɛ dengme, kɛ bɔ nɛ Yawɛ je mɛ kɛ je kulaa mi.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 23:20

“Hyɛ, i ngɛ bɔfo ko tsɔe kɛ nyɛɛ o hɛ mi, nɛ e bu o he ngɛ blɔ ɔ nɔ hluu kɛ yaa si he nɛ i dla ngɔ to mo ɔ.

Mose II, 23:22

Se ke o bu lɛ tue kɛ pi si, nɛ o pee nɔ́ tsuaa nɔ́ nɛ i fa mo ke o pee ɔ, lɛɛ i kɛ o he nyɛli ɔmɛ, kɛ o futsɛmɛ ɔmɛ tsuo maa to ní.

Mose II, 23:27

“Ma tsuaa ma nɛ o ma pã nɔ ɔ, ma ha sawale maa nu ma mi bi ɔmɛ tsuo. Ni nɛmɛ nɛ maa te si kɛ wo mo ɔ, ma ha a kpɛti maa pee basabasa; nɛ ma ha o he nyɛli ɔmɛ tsuo maa tu o nya fo.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Yesaya 51:10

Mo nɔuu ji nɔ nɛ ha wo ɔ mii; o je blɔ kɛ gu nyu ɔ mi, konɛ nihi nɛ o he a yi wami ɔ nɛ a nyɛ nɛ a po wo ɔ.

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Yeremia 31:11

I he Israel yi wami, nɛ i kpɔ mɛ kɛ je je ma ko nɛ he wa pe mɛ ɔ dɛ mi.

Ezekiel 16:8

“Benɛ i ba gu lejɛ ɔ ekohu ɔ, i na kaa jehanɛ lɛɛ o wa nɛ o su gbami nya. I ngɔ ye bo kɛ ha o nɔ, nɛ o he fɔ we si gu hu. I ka mo kita, nɛ i kɛ mo so; nɛ i ngɔ mo ngɔ pee ye yo.” Nyɔmtsɛ Yawɛ lɛ de.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Mose V, 11:25

He tsuaa he nɛ nyɛ maa ya ngɛ jamɛ a zugba a nɔ ɔ, Yawɛ ma ha ni ɔmɛ maa ye nyɛ gbeye kaa bɔ nɛ e wo si ɔ, nɛ nɔ ko nɔ ko be nyɛ nyɛe.

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Mose V, 2:4

De ma a tsuo ke nyɛ yaa be ngɛ nyɛ nyɛmimɛ Esau bi ɔmɛ a zugba a nɔ kɛ ho. Mɛɛ lɛɛ Edom yo ɔ he a hii. A maa ye nyɛ gbeye.

Mose V, 32:6

Bɔ nɛ sa kaa nyɛ peeɔ Yawɛ ji nɛ ɔ lo, ma kuasia nɛ be juɛmi? Lɛ ji nyɛ tsɛ kɛ nyɛ bɔlɔ; lɛ nɛ e ha nyɛ pee e ma.

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yoshua 4:24

Enɛ ɔ ma ha je ɔ tsuo maa na Yawɛ he wami ɔ, nɛ nyɛ maa ye Yawɛ, nyɛ Mawu ɔ gbeye daa.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.

Samuel I, 25:37

Mɔtu benɛ dã a je Nabal hɛ mi ɔ, e yo ɔ gba lɛ nɔ́ tsuaa nɔ́ nɛ ya nɔ. Kɛkɛ nɛ Nabal tsui kpa tsɔ, nɛ e hule pue si.