Mose II, 15:14 - BAIBLO ALOO NGMAMI KLƆUKLƆU Ɔ

¹⁴ Je ma amɛ nu he, nɛ a tsui po; sawale nu Filisti bi ɔmɛ.

Mose II, 15:14 ပူးပေါင်းရင်းမြစ်များ

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.

La 48:6

A he do blibliibli, nɛ a he hia mɛ ngɛ lejɛ ɔ kaa yo nɛ nu kɔɔmi.

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.

Mose IV, 14:14

a maa sɛɛ ha zugba nɛ ɔ nɔ bi. Nimli nɛ ɔmɛ nu momo kaa mo Yawɛ, o ngɛ wa kpɛti. Nimli nɛ ɔmɛ nu momo kaa mo Yawɛ, o bɔku ɔ ba daa si ngɛ wa yi mi, nɛ a naa mo paa hɛ mi kɛ hɛ mi. A nu momo kaa piani ɔ, o nyɛɛɔ wa hɛ mi ngɛ bɔku titima mi, nɛ nyɔ mi lɛɛ o nyɛɛɔ wa hɛ mi ngɛ la titima mi.

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Mose IV, 22:5

tsɔ nihi kɛ ho Petor ya, ngɛ Yufrate pa a kasa nya, ngɛ Amaw bi ɔmɛ a zugba a nɔ, nɛ́ a ya kpee Beor binyumu Balaam kɛ ba. E sɛ gbi ji, “I ngɛ hae nɛ o le kaa ma ko je Egipt kɛ ba, nɛ a ha zugba a tsuo nɔ. Amlɔ nɛ ɔ po a su ye ngɔ ta.

Yoshua 10:2

Yerusalem bi ɔmɛ ye gbeye wawɛɛ, ejakaa ma ngua ji Gibeon. Gibeon ngɛ kaa matsɛ ma; e kle pe Ai, nɛ nyumuhi nɛ ngɛ ma a mi ɔ, katsɛmɛ sɔuu.

Samuel I, 4:7

sawale nu Filisti bi ɔmɛ, nɛ a de ke, “Mawu komɛ ba ni ɔmɛ a sito he ɔ! Akuanyɛ! Nɔ nɛ ɔ eko tsa bɛ hyɛ.

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.

Yesaya 23:5

E maa pee Egipt bi po nyakpɛ, nɛ a maa hao, ke a nu kaa a kpata Tiro hɛ mi ɔ.

Ezekiel 32:9

“Je mahi babauu, ngɛ zugbahi a nɔ he nɛ o li tete po, ke a nu bɔ nɛ i kpata o hɛ mi ɔ, a maa ye tsui.

Habakuk 3:7

I na nɛ sawale nu Kushan bi ɔmɛ, nɛ Midian bi ɔmɛ hu a he ngɛ doe blibliibli.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,

Samuel I, 4:8

Wa yi ta! Mɛnɔ ma kpɔ wɔ kɛ je kikɛmɛ a mawu kpetekpleenyɛ nɛ ɔmɛ a dɛ mi? Mɛ ji mawuhi nɛ kɛ haomi slɔɔtohi gba Egipt bi ɔmɛ a nya ngɛ nga a nɔ ɔ nɛ!

La 48:7

O ha beleku kɔɔhiɔ fia huu! Nɛ e ywia Spania lɛ ɔmɛ.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.