Mose II, 15:11 - BAIBLO ALOO NGMAMI KLƆUKLƆU Ɔ

¹¹ “Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Mose II, 15:11 ပူးပေါင်းရင်းမြစ်များ

Matsɛmɛ I, 8:23

nɛ e sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

Samuel II, 7:22

Yawɛ Mawu lee, o kle agbo! Nɔ ko nɔ ko be nɛ ngɛ kaa mo; níhi nɛ wa nu ɔ tsɔɔ kaa mo pɛ ji Mawu.

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Mose V, 3:24

‘Nyɔmtsɛ Yawɛ lee, i le kaa ní nguanguahi, kɛ nyakpɛ níhi nɛ o maa pee ɔ a sisije kɛkɛ ji nɛ ɔ nɛ; ejakaa mawu ko mawu ko be hiɔwe, loo zugba a nɔ nɛ ma nyɛ ní nguanguahi nɛ o tsu nɛ ɔ ma tsu!

La 86:8

Nyɔmtsɛ, mawu ko mawu ko be nɛ kɛ mo sɔ; níhi nɛ o pee ɔ hu, nɔ́ ko nɔ́ ko be nɛ a kɛ maa to a he.

La 77:14

Mawu nɛ tsuɔ nyakpɛ ní ji mo; o je o he wami kpo ngɔ tsɔɔ je ɔ tsuo.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Yesaya 40:25

Mɛnɔ he nyɛ maa ngɔ Mawu Klɔuklɔu ɔ kɛ to? Mɛnɔ kɛ lɛ sɔ?

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

La 35:10

Ma de kɛ je ye tsui mi tɔɔ ke, “Yawɛ, mɛnɔ lɛ e kɛ mo sɔ? Mo lɛ o jeɔ nɔ nɛ he wɛ kɛ jeɔ nɔ nɛ he wa pe lɛ ɔ dɛ mi. Mo lɛ o jeɔ dɛgutsɛ kɛ jeɔ nɔ nɛ waa lɛ yi mi ɔ dɛ mi.”

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

La 66:5

Nyɛɛ ba, nyɛ ba hyɛ níhi nɛ Mawu pee, nyakpɛ níhi nɛ e tsu kɛ ha nimli adesahi.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

Mose III, 19:2

e de Israel ma kpekpemi ɔ tsuo ke, “Nyɛɛ pee nyɛ he klɔuklɔu, ejakaa imi Yawɛ, nyɛ Mawu ɔ, i ngɛ klɔuklɔu.

Yesaya 30:11

Nyɛ ko nyɛɛ Yawɛ se; nyɛɛ gu he kpa! Wa hla we nɛ waa nu nyɛ, Israel Mawu klɔuklɔu ɔ he sane ko!”

La 89:18

Yawɛ, mo lɛ o hla wa he falɔ ɔ kɛ ha wɔ; mo, Israel Mawu klɔuklɔu ɔ, mo lɛ o ha wɔ wa matsɛ.

Kpojemi 13:4

Ni ɔmɛ tsuo ja sinɔ nguaa a, ejakaa e ngɔ e blɔ nya a kɛ ha lohwe awi yelɔ ɔ. A ja lohwe awi yelɔ ɔ hulɔ, nɛ a de ke, “Mɛnɔ kɛ lohwe nɛ ɔ sɔ? Mɛnɔ ma nyɛ nɛ e kɛ lɛ maa hwu ta?”

Mose II, 3:20

Lɔ ɔ he ɔ, ma ngɔ ye nyakpɛ níhi tsuo nɛ ma pee ngɛ a kpɛti ɔ kɛ fia mɛ ní kɛ tsɔɔ mɛ ye nine si wami. Enɛ ɔ se ɔ, e maa ngmɛɛ nyɛ he.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Mose II, 20:3

“Ko ja mawu ko kɛ piɛ ye he.

Kronika II, 2:5

We nɛ ma po nɛ ɔ maa kle agbo; ejakaa wa Mawu ɔ kle pe mawu ɔmɛ tsuo.

Kronika II, 6:14

E sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

La 22:23

Nyɛ nɛ nyɛ yeɔ Yawɛ gbeye, nyɛ je e yi. Nyɛ Yakob nina tsuo, nyɛɛ wo e hɛ mi nyami. Nyɛ Israel ma, nyɛɛ ye lɛ gbeye.

La 113:5

Nɔ ko be nɛ ngɛ kaa Yawɛ, wa Mawu ɔ nɛ hii si ngɛ hiɔwe,

La 136:4

Lɛ nɔ kake too lɛ e peeɔ nyakpɛ ní; ejakaa e suɔmi ɔ ngɛ kɛ yaa neneene!

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mose II, 8:6

Aaron wo e nine nɔ ngɛ Egipt pa amɛ a nɔ, nɛ e ha ovɔnɔhi ba nɛ a ba ha Egipt zugba a nɔ.

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

La 60:2

O ha zugba a mimiɛ, nɛ e mi gba hatoo; moo tsi e hehi nɛ wo muɔ ɔ, ejakaa e ngɛ gbɛe kulaa.

La 77:11

Se kɛ̃, Yawɛ, i kai níhi nɛ o tsu blema a; ee, i kai nyakpɛ ní nguahi nɛ o pee ɔ.

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.