Mose II, 14:29 - BAIBLO ALOO NGMAMI KLƆUKLƆU Ɔ

²⁹ Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ, nɛ nyu ɔ wlua kaa gbogbo ngɛ a hiɔ nɔ kɛ a muɔ nɔ.

Mose II, 14:29 ပူးပေါင်းရင်းမြစ်များ

Mose II, 14:22

Israel bi ɔmɛ nyɛɛ zugba gbigbli nɔ kɛ gu wo ɔ kpɛti, nɛ nyu ɔ pee kaa gbogbo ngɛ a hiɔ nɔ kɛ a muɔ nɔ.

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yesaya 51:10

Mo nɔuu ji nɔ nɛ ha wo ɔ mii; o je blɔ kɛ gu nyu ɔ mi, konɛ nihi nɛ o he a yi wami ɔ nɛ a nyɛ nɛ a po wo ɔ.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

1 Korintobi 10:1

Ye nyɛmimɛ, i suɔ kaa ma kai nyɛ nɔ́ nɛ ba wa nɛmɛ ɔmɛ nɛ nyɛɛ Mose se ɔ a nɔ. Mɛ tsuo a hi bɔku ɔ sisi, nɛ mɛ tsuo a po Wo Tsu ɔ.

Mose II, 15:8

O fli o gugwɔ mi ngɛ wo ɔ nɔ, nɛ nyu ɔ bua e he nya da si kaa gbogbo; ohue mi nyu ɔ fi, nɛ e wlua gɛgɛnii.

Mose II, 15:19

Benɛ Farao ɔ we okpɔngɔ ɔmɛ, ta zugba lɛ ɔmɛ, kɛ okpɔngɔ ta buli ɔmɛ sɛ wo ɔ mi ɔ, Yawɛ ha nɛ nyu ɔ kpale e se ba ha a nɔ. Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ.

Yesaya 11:15

Yawɛ ma kpata Egipt pa kɔni nɛ a tsɛɛ ke Suez ɔ hɛ mi pɛsɛpɛsɛ. E ma ha nɛ ahlabata kɔɔhiɔ maa fia ngɛ lejɛ ɔ, nɛ pa a ma gba maa pee pa tsɔwi kpaago, bɔ nɛ ke nɔ wo tokota po e ma nyɛ kɛ po.

Matsɛmɛ II, 2:8

Kɛkɛ nɛ Eliya je e tade ɔ, nɛ e koklo lɛ, nɛ e kɛ fia nyu ɔ mi. Nyu ɔ mi gba kɛ ya hiɛ kɛ hiɛ; nɛ mɛ ni enyɔ ɔmɛ tsuo a nyɛɛ zugba gbigbli nɔ kɛ be.

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

La 78:13

E gba wo ɔ mi, nɛ nyu ɔ da si glekugleku ngɛ hiɔ nɔ kɛ muɔ nɔ; nɛ e ha nɛ e ma a gu mi kɛ be.

La 106:9

E nga Wo Tsu ɔ yi, nɛ nyu ɔ mii, nɛ e kɛ mɛ nyɛɛ kɛ be kaa nɔ́ nɛ nga nɔ lɛ a ngɛ nyɛɛe.

La 136:13

Lɛ nɛ e gba Wo Tsu ɔ mi; ejakaa e suɔmi ɔ ngɛ kɛ yaa neneene!