Mose II, 14:28 - BAIBLO ALOO NGMAMI KLƆUKLƆU Ɔ

²⁸ Nyu ɔ kpale ba tsa, nɛ Farao ɔ ta zugba lɛ ɔmɛ, e we okpɔngɔ ta buli ɔmɛ, kɛ e tabo ɔ tsuo nɛ nyɛɛ Israel bi ɔmɛ a se kɛ ya sɛ wo ɔ mi ɔ tlɔ mi nɛ a ti nɔ kake po píɛ.

Mose II, 14:28 ပူးပေါင်းရင်းမြစ်များ

La 78:53

E hɛɛ mɛ dɔdɔɔdɔ nɛ a yi gbeye. Se a he nyɛli ɔmɛ lɛɛ wo ɔ ku kɛ pue a nɔ.

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

La 136:15

Se Egipt matsɛ ɔ kɛ e ta a lɛɛ e kpata a hɛ mi ngɛ Wo Tsu ɔ mi; ejakaa e suɔmi ɔ ngɛ kɛ yaa neneene!

Hebribi 11:29

Hemi kɛ yemi lɛ ha Israel ma a po Wo Tsu ɔ kaa nɔ́ nɛ zugba gbigbli nɔ nɛ a ngɛ nyɛɛe. Se benɛ Egipt bi ɔmɛ ka kaa mɛ hu a maa pee ja a, a tlɔ wo ɔ mi, nɛ a gbo.

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

Kronika II, 20:24

Benɛ Yuda ta buli ɔmɛ ba su buli a mɔ ɔ he ngɛ nga a nɔ ɔ, a plɛ hyɛ he nyɛli ɔmɛ, nɛ a na kaa mɛ tsuo pɛpɛɛpɛ a gbo kɛ pueɔ si. Nɔ kake ngmelu ji mi.

Mose V, 11:4

Nyɛ na bɔ nɛ Yawɛ kpata Egipt ta a, kɛ a okpɔngɔ ɔmɛ, kɛ a ta zugba lɛ ɔmɛ a hɛ mi pɛsɛpɛsɛ ɔ. E ha Wo Tsu ɔ mi nyu ɔ mii Egipt ta a tsuo, benɛ a nyɛɛ nyɛ se ɔ.

Mose II, 15:10

Se o ha kɔɔhiɔ fia, nɛ wo ɔ ha a nɔ; Egipt bi ɔmɛ mu kaa sumue ngɛ nyu nɛ he ngɛ gbeye ɔ mi.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose II, 15:19

Benɛ Farao ɔ we okpɔngɔ ɔmɛ, ta zugba lɛ ɔmɛ, kɛ okpɔngɔ ta buli ɔmɛ sɛ wo ɔ mi ɔ, Yawɛ ha nɛ nyu ɔ kpale e se ba ha a nɔ. Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ.

Manyadali 4:16

Barak nyɛɛ ta zugba lɛ ɔmɛ, kɛ tabo ɔ a se kɛ ya su Haroshet ngɛ ma je li ɔmɛ a zugba a nɔ tɔɔ. Sisera ta buli ɔmɛ tsuo nɔ ngɛ klaate nya; e píɛ nɔ kake po.

Mose I, 7:18

Enɛ ɔ se ɔ, nyu ɔ ba babauu ngɛ zugba a nɔ. Kɛkɛ nɛ lɛ ɔ hia nɛ e bɔni nyɛɛmi kɛ ngɛ yae kɛ ngɛ bae ngɛ nyu ɔ hɛ mi.

Mose I, 50:9

Zugba lɛhi, kɛ okpɔngɔhi a nɔ hili hu kɛ lɛ ho. Nihi babauu nitsɛ lɛ ho ɔ nɛ.

La 106:22

Hyɛ nyakpɛ níhi nɛ e tsu ngɛ lejɛ ɔ! Hyɛ ní nguanguahi nɛ e pee ngɛ Wo Tsu ɔ nya!