Mose II, 14:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, Mose wo e nine nɔ ngɛ wo ɔ nɔ, nɛ benɛ je maa na a, wo ɔ kpale tsa ekohu. Egipt bi ɔmɛ tu fo nɛ a kɛ wo ɔ ba kpe, nɛ Yawɛ tsitsɛɛ mɛ kɛ pue wo ɔ mi.

Mose II, 14:27 ပူးပေါင်းရင်းမြစ်များ

Yoshua 4:18

Benɛ osɔfo ɔmɛ nɛ tloo Yawɛ somi daka a je Yordan pa a mi, nɛ a nane ma zugba gbigbli nɔ pɛ, kɛkɛ nɛ Yordan nyu ɔ kpale kɛ ba e blɔ he, nɛ pa a hyi nɛ e ywia nga kaa sa a.

La 78:53

E hɛɛ mɛ dɔdɔɔdɔ nɛ a yi gbeye. Se a he nyɛli ɔmɛ lɛɛ wo ɔ ku kɛ pue a nɔ.

Hebribi 11:29

Hemi kɛ yemi lɛ ha Israel ma a po Wo Tsu ɔ kaa nɔ́ nɛ zugba gbigbli nɔ nɛ a ngɛ nyɛɛe. Se benɛ Egipt bi ɔmɛ ka kaa mɛ hu a maa pee ja a, a tlɔ wo ɔ mi, nɛ a gbo.

Mose V, 11:4

Nyɛ na bɔ nɛ Yawɛ kpata Egipt ta a, kɛ a okpɔngɔ ɔmɛ, kɛ a ta zugba lɛ ɔmɛ a hɛ mi pɛsɛpɛsɛ ɔ. E ha Wo Tsu ɔ mi nyu ɔ mii Egipt ta a tsuo, benɛ a nyɛɛ nyɛ se ɔ.

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

La 106:11

Se nyu ɔ ba ha a he nyɛli ɔmɛ a nɔ, nɛ a ti nɔ kake ngmelu po ji mi.

La 136:15

Se Egipt matsɛ ɔ kɛ e ta a lɛɛ e kpata a hɛ mi ngɛ Wo Tsu ɔ mi; ejakaa e suɔmi ɔ ngɛ kɛ yaa neneene!

Yesaya 10:26

Imi Yawɛ Tabohiatsɛ ɔ nitsɛ ma fia mɛ kpa kaa bɔ nɛ i pee Midian bi ɔmɛ ngɛ Oreb tɛ sa a he ɔ. Ma gbla Asiria tue kaa bɔ nɛ i gbla Egipt tue ɔ.

Yoshua 24:7

a fa kue ha mi, nɛ i ha diblii wo ngɛ a kɛ Egipt bi ɔmɛ a kpɛti. Nyagbe ɔ, i ha wo ɔ ba ha Egipt bi ɔmɛ a nɔ. Nyɛ nitsɛmɛ nyɛ na nɔ́ nɛ i pee Egipt ɔ. “ ‘Nyɛ hi nga kplanaa a nɔ be babauu.