Mose II, 14:26 - BAIBLO ALOO NGMAMI KLƆUKLƆU Ɔ

²⁶ Kɛkɛ nɛ Yawɛ de Mose ke, “Mo wo o nine nɔ ngɛ wo ɔ nɔ, konɛ nyu ɔ nɛ kpale ku pue Egipt bi ɔmɛ, kɛ a ta zugba lɛ ɔmɛ, kɛ a we okpɔngɔ ta buli ɔmɛ a nɔ.”

Mose II, 14:26 ပူးပေါင်းရင်းမြစ်များ

Mose II, 14:16

Wo o tso ɔ nɔ nɛ o kpã o nine mi ngɛ wo ɔ nɔ, nɛ o dla e mi enyɔ, konɛ Israel bi ɔmɛ nɛ a nyɛɛ zugba gbigbli nɔ kɛ po wo ɔ.

Mose II, 8:5

Yawɛ de Mose ke, “Mo de Aaron ke e wo e tso ɔ nɔ ngɛ pa amɛ, kɛ nyu dɔ ɔmɛ, kɛ taku ɔmɛ a nɔ, nɛ́ e ha ovɔnɔhi nɛ ba Egipt zugba a nɔ.”

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Mateo 8:27

Ni ɔmɛ a nya kpɛ a he, nɛ nɔ́ nɛ nɔ tsuaa nɔ ngɛ bie ji, “Mɛni nɔmlɔ slɔɔto ji nɛ ɔ, nɛ kɔɔhiɔ, kɛ wo tete buɔ lɛ tue?”

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Mose II, 7:19

Yawɛ kpale de Mose ke, “De Aaron ke, ‘Ngɔɔ o tso ɔ, nɛ o kpã o nine mi ngɛ Egipt pa amɛ, nyu dɔ ɔmɛ, kɛ taku ɔmɛ tsuo a nɔ, nɛ a mi nyu ɔ kulaa ma plɛ pee muɔ. A maa na muɔ ngɛ he tsuaa he ngɛ Egipt, ngɛ tso buɛhi, kɛ tɛ buɛhi a mi.’ ”

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Yesaya 11:16

Gbɛjegbɛ ko maa je Asiria kɛ ha Israel ma a mi bi nɛ a ngɛ je mi kɛ mwɔɔ ɔ, konɛ a nyɛɛ nɔ kaa bɔ nɛ a nɛmɛ ɔmɛ nyɛɛ zugba gbigbli nɔ, benɛ a je Egipt zugba a nɔ kɛ ma a.

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

Mose II, 15:4

“E tsɛ̃ Farao ɔ ta zugba lɛ ɔmɛ, kɛ e tabo ɔ tsuo ngɔ wo wo ɔ mi bum! Nɛ e tatsɛ ngua amɛ hu gbo tlɔ Wo Tsu ɔ mi.