Mose II, 14:2 - BAIBLO ALOO NGMAMI KLƆUKLƆU Ɔ

² “De Israel bi ɔmɛ ke a kpale a se nɛ a ya to si ngɛ Pi Hahirot hɛ mi, ngɛ Migdol kɛ wo ɔ a kpɛti. A sito he ɔ nɛ kpee Baal Zefon hɛ mi ngɛ wo ɔ nya.

Mose II, 14:2 ပူးပေါင်းရင်းမြစ်များ

Mose II, 14:1

Yawɛ de Mose ke,

Mose II, 14:3

Farao ɔ ma susu kaa Israel bi ɔmɛ ya tla blɔ, nɛ a ngɛ lalaalo woe ngɛ nga a nɔ, nɛ nga a sá a yi.

Mose II, 14:9

Farao ɔ we okpɔngɔ ɔmɛ, e tabo ɔ, kɛ Egipt bi ɔmɛ tsuo hia kɛ nyɛɛ Israel bi ɔmɛ a se, nɛ a ya na mɛ be nɛ a pueɔ si ngɛ Wo Tsu ɔ nya, ngɛ Pi Hahirot kasa nya, ngɛ Baal Zefon hɛ mi ɔ.

Yeremia 44:1

Yawɛ ha mi sɛ gbi nɛ ɔ nɛ kɔɔ Israel bi tsuo nɛ ngɛ Egipt ɔ a he, nihi nɛ ngɛ Migdol, Tapanhes, kɛ Memfis ma amɛ a mi, kɛ ni nɛmɛ nɛ ngɛ zugba a leneyi je ɔ tsuo.

Yeremia 46:14

“Nyɛɛ fiɛ ngɛ Egipt ma amɛ a mi, ngɛ Migdol, Memfis, kɛ Tapanhes ke, ‘Nyɛɛ mia, nɛ nyɛɛ pee klaalo, ejakaa ta ngɛ ní puɛe ngɛ mahi nɛ bɔle nyɛ ɔ a mi kɛ ma!

Ezekiel 29:10

i kɛ mo ná, nɛ i kɛ o Nilo pa a hu ná. Ma ha Egipt zugba a tsuo nɔ maa je gu; e maa pee ma dokuhi sɔuu kɛ je Migdol ngɛ omleyi je kɛ yaa su Aswan ngɛ leneyi je, hluu kɛ ma ya su Sudan bi ɔmɛ a huzu ɔ nya tɔɔ.

Yoshua 24:6

i je nyɛ nɛmɛ ɔmɛ kɛ je Egipt, nɛ Egipt bi ɔmɛ nyɛɛ a se kɛ ta zugba lɛhi, kɛ ta okpɔngɔ nɔ hili. Benɛ nyɛ nɛmɛ ɔmɛ ya su Wo Tsu ɔ he ɔ,