Mose II, 14:14 - BAIBLO ALOO NGMAMI KLƆUKLƆU Ɔ

¹⁴ Yawɛ maa hwu ha nyɛ; nyɛɛ lɛɛ nyɛɛ buɛ dii!”

Mose II, 14:14 ပူးပေါင်းရင်းမြစ်များ

Mose V, 3:22

Nyɛ ko ye mɛ gbeye, ejakaa Yawɛ, nyɛ Mawu ɔ maa hwu ha nyɛ.’ ”

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Yoshua 23:3

Nyɛ na bɔ nɛ Yawɛ, nyɛ Mawu ɔ pee je ma nɛ ɔmɛ tsuo ngɛ nyɛ he. Yawɛ, nyɛ Mawu ɔ ji nɔ nɛ hwu ta ha nyɛ.

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Yoshua 23:10

Nyɛ ti nɔ kake ma nyɛ wo nihi akpe fo, ejakaa Yawɛ, nyɛ Mawu ɔ ngɛ ta hwue ha nyɛ kaa bɔ nɛ e wo si ɔ.

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Kronika II, 20:29

Je ma amɛ tsuo nu kaa Yawɛ ye Israel he nyɛli ɔmɛ a nɔ kunimi, nɛ a ye gbeye wawɛɛ nitsɛ.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

Mose II, 15:3

Yawɛ ɔ, tatsɛ ji lɛ; e biɛ ji Yawɛ.

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Nehemia 4:20

Ke nyɛ nu titimati ɔ pɛmi pɛ, nyɛ bua nyɛ he nya kɛ ba wa ngɔ ngɛ lejɛ ɔ. Wa Mawu ɔ maa hwu ha wɔ.”

La 83:1

Mawu, ko ma o nya; koo pee dii, koo pee kɔ̃!

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:14

Nɔ́ nɛ ba nɛ ɔ, kaa Yawɛ bu nɔmlɔ kake kue fami tue, nɛ e ha pu kɛ nyɔhiɔ nyɛ da si nɛ a nyɛɛ we ɔ, eko bɛ hyɛ. Yawɛ hwu ta ha Israel!

Yoshua 10:10

Yawɛ ha sawale nu Amor bi ɔmɛ benɛ a na Israel ta a. Israel bi ɔmɛ gbe mɛ ngɔ pue si ngɛ Gibeon, nɛ a nyɛɛ a se kɛ fo kɛ ya gu yo kpɛ blɔ ɔ ngɛ Bet Horon, kɛ ya su Azeka kɛ Makeda tɔɔ ngɛ leneyi je.

Manyadali 5:20

Dodoehi po hwu ta ngɛ hiɔwe; a je a blɔ hehi nɛ a kɛ Sisera ba hwu ta.

Mose II, 14:15

Yawɛ bi Mose ke, “Mɛni he je o ngɛ ngmlaa kpae kɛ ngɛ mi tsɛe ɔ? De Israel bi ɔmɛ ke a ya a hɛ mi.

Samuel I, 4:7

sawale nu Filisti bi ɔmɛ, nɛ a de ke, “Mawu komɛ ba ni ɔmɛ a sito he ɔ! Akuanyɛ! Nɔ nɛ ɔ eko tsa bɛ hyɛ.

Kronika II, 20:15

Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

La 35:1

Yawɛ, nihi nɛ kɛ mi ná a, tee si kɛ wo mɛ. Nihi nɛ kɛ mi ngɛ hwue ɔ, o kɛ mɛ nɛ hwu.

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.