Mose II, 14:12 - BAIBLO ALOO NGMAMI KLƆUKLƆU Ɔ

¹² Enɛ ɔ he nɛ wa de mo ngɛ Egipt ke o ngmɛɛ wa he nɛ wa sɔmɔ Egipt bi ɔmɛ ɔ nɛ; ejakaa afani nɛ wa ma sɔmɔ Egipt bi ɔmɛ pe kaa wa ma gbo tlɔ nga pa.”

Mose II, 14:12 ပူးပေါင်းရင်းမြစ်များ

La 106:7

Nyakpɛ níhi nɛ Hiɔwe No ɔ pee ngɛ Egipt ɔ, wa nɛmɛ ɔmɛ nui sisi. Suɔmi babauu nɛ e je kpo kɛ tsɔɔ mɛ ɔ, a kaii we. Mohu ɔ, a te si wo lɛ ngɛ Wo Tsu ɔ nya.

Mose II, 13:17

Benɛ Farao ɔ ha nɛ Israel bi ɔmɛ je ɔ, Mawu kpakaa we mɛ kɛ gu blɔ kpiti ɔ nɛ gu Filisti bi ɔmɛ a zugba a mi ɔ. Mawu de ke, “Ke ta ba na ma nɛ ɔ pɛ, ke o li peemi ɔ, a yi mi ma plɛ, nɛ a maa kpale kɛ ho Egipt ya.”

Mose II, 3:9

Niinɛ, i nu Israel bi ɔmɛ a ya fomi ɔ, nɛ i na bɔ nɛ Egipt bi ɔmɛ ngɛ mɛ yi mi wae ha.

Mose II, 5:21

Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

Mose II, 6:9

Mose ngɔ sɛ gbi nɛ ɔ ya ha Israel bi ɔmɛ, se a nyɔguɛ si himi ɔ, a nɔ yemi gbegbelii ɔ, kɛ a kɔmɔ yemi ɔ ha we nɛ a bu lɛ tue.

Hosea 4:17

Israel ma a ke e ma ja amaga! É ya nɔ nɛ e pee nɔ́ nɛ e tsui suɔ.

Yona 4:3

Lɔ ɔ he ɔ, Yawɛ, i kpa mo pɛɛ nɛ o gbe mi; e hi kaa ma gbo mohu pe kaa ma hi je mi.”

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”