Mose II, 13:3 - BAIBLO ALOO NGMAMI KLƆUKLƆU Ɔ

³ Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 13:3 ပူးပေါင်းရင်းမြစ်များ

Mose V, 24:18

Mo kai kaa o ye nyɔguɛ ngɛ Egipt, nɛ Yawɛ, o Mawu ɔ ha o ye o he, lɔ ɔ he nɛ i ngɛ mo mlaa nɛ ɔ woe ɔ nɛ.

Mose V, 5:15

Kai kaa mo hu o ya ye nyɔguɛ ngɛ Egipt, nɛ imi Yawɛ, o Mawu ɔ kɛ kɔni si wami, kɛ nyɛmi kpɔ mo kɛ je lejɛ ɔ. Lɔ ɔ he nɛ i wo mo mlaa ke o ye Hejɔɔmi ligbi ɔ nɛ.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose V, 16:12

Nyɛɛ hyɛ saminya nɛ nyɛɛ ye mlaa nɛ ɔmɛ a nɔ; nyɛ hɛ ko je nɔ kaa nyɛ hu nyɛ ye nyɔguɛ ngɛ Egipt.

Mose V, 5:6

Nɔ́ nɛ Yawɛ de ji nɛ ɔ nɛ: ‘Imi ji Yawɛ, o Mawu ɔ nɛ je mo kɛ je Egipt zugba a nɔ, kɛ je nyɔguɛ yemi mi ɔ nɛ.

Mose V, 15:15

Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Yoshua 24:17

Yawɛ, wa Mawu ɔ lɛ je wɔ, kɛ wa nɛmɛ ɔmɛ kɛ je nyɔguɛ yemi mi ngɛ Egipt, nɛ wa na nyakpɛ níhi nɛ e pee ɔ. E baa wa yi, nɛ e je wɔ kɛ je wa he nyɛli ɔmɛ a dɛ mi ngɛ he tsuaa he nɛ wa gu ɔ.

Mose V, 13:10

Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Mose V, 24:22

O hɛ ko je nɔ gblegbleegble kaa o ye nyɔguɛ ngɛ Egipt, lɔ ɔ he nɛ i wo mo mlaa nɛ ɔ nɛ.

Mose II, 12:42

Jamɛ a nyɔ ɔ ji nyɔ nɛ Yawɛ huɔ nɛ e kɛ je Israel bi ɔmɛ kɛ je Egipt zugba a nɔ ɔ nɛ. Enɛ ɔ he je ɔ, jamɛ a nyɔ ɔ pee nyɔ nɛ daa jeha a, Israel bi ɔmɛ kɛ a nina tsuo huɔɔ nyɔ kɛ haa Yawɛ.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose II, 20:8

“Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi.

Mose II, 12:19

Nɔ ko nɛ ko to masa ngɛ e we mi ligbi kpaago. Nɔ tsuaa nɔ nɛ maa ye masa nɔ́ ko ɔ, nubwɔ ji lɛ jio, we no ji lɛ jio, a je lɛ we.

Mose II, 12:8

A sã lo ɔ, nɛ a ye lɛ kɛ agba pui, kɛ abolo kplolo jamɛ a nyɔ ɔ mi nɔuu.

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Mose II, 3:20

Lɔ ɔ he ɔ, ma ngɔ ye nyakpɛ níhi tsuo nɛ ma pee ngɛ a kpɛti ɔ kɛ fia mɛ ní kɛ tsɔɔ mɛ ye nine si wami. Enɛ ɔ se ɔ, e maa ngmɛɛ nyɛ he.

Mose II, 12:15

“Kɛ je kekleekle ligbi ɔ kɛ yaa si ligbi nɛ ji kpaago ɔ, nyɛɛ ye abolo kplolo. Nyɛ kpa masa peemi ngɛ we ɔmɛ a mi kɛ je kekleekle ligbi ɔ. Mo nɔ nɛ o maa ye masa nɔ́ ko ɔ, a ma je mo we kɛ je Israel.

La 105:5

Nyɛ, Mawu tsɔlɔ Abraham nina! Yakob nina, nyɛ nɛ Mawu hla! Nyɛ kai nyakpɛ níhi nɛ Mawu pee, kɛ bɔ nɛ e kojo je ma amɛ.

Efesobi 1:19

Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

1 Korintobi 11:24

nɛ e na Mawu si, nɛ e ku mi, nɛ e de ke, “Enɛ ɔ ji ye nɔmlɔ tso nɛ a ku ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

1 Korintobi 5:8

Lɔ ɔ he ɔ, ke wa ngɛ wa Hetsɔmi nyami be ɔ yee ɔ, nyɛ ko ha nɛ waa ngɔ ma momo kɛ ye. Ma momo nɛ ɔ ji yayami, kɛ yi wu tso níhi. Nyɛ ha waa ye lɛ ngɛ anɔkuale yemi mi.

Luka 22:19

Jehanɛ ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ, nɛ e de ke, “Enɛ ɔ ji ye nɔmlɔ tso [nɛ a ngɔ sã bɔ ha Mawu ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Nehemia 9:10

O pee okadihi, kɛ nyakpɛ níhi ngɛ Farao ɔ, kɛ e ma ní tsuli ɔmɛ, kɛ e ma a tsuo a hɛ mi, ejakaa o le bɔ nɛ a wa o ma a yi mi. O he biɛ kɛ je jamɛ a be ɔ mi tɔɔ kɛ ba su mwɔnɛ ɔ.

Kronika I, 16:12

Nyɛ Mawu tsɔlɔ Yakob nina, Israel nina, nyɛ nɛ Mawu hla; nyɛ kai nyakpɛ níhi nɛ Mawu pee ɔ, kɛ bɔ nɛ e kojo je ma amɛ ha.

Mateo 10:12

Ke nyɛ sɛ we ko mi ɔ, nyɛ nga ni ɔmɛ!

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 7:4

Enɛ ɔ se ɔ, ma nu Egipt kã nya, nɛ ma kpaka ye ma kpekpemi ɔ nɛ ji Israel bi ɔmɛ kɛ je Egipt zugba a nɔ; nɛ ma ye dami sane ha nyɛ.

Mose II, 12:17

Nyɛɛ ye Abolokplolo nyami be ɔ; ejakaa jamɛ a ligbi ɔ nɔ nɔuu nɛ i je nyɛ ma a wɛtso nya wɛtso nya kɛ je Egipt zugba a nɔ ɔ nɛ. Lɔ ɔ he ɔ, nyɛɛ ye ligbi nɛ ɔ, nɛ e pee nɔ́ ko nɛ fɔɔ si kaa mlaa ha nyɛɛ kɛ nyɛ nina kɛ maa ya neneene.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

La 114:1

Benɛ Israel bi ɔmɛ je Egipt, ee, benɛ Yakob nina a je ma se zugba a nɔ ɔ,

La 136:11

Nɛ e je Israel bi ɔmɛ kɛ je Egipt bi ɔmɛ a dɛ mi; ejakaa e suɔmi ɔ ngɛ kɛ yaa neneene!

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Mose II, 12:2

“Nyɔhiɔ nɛ ɔ maa pee kekleekle nyɔhiɔ ngɛ jeha a mi ha nyɛ.

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose V, 6:21

nyɛ de mɛ ke, ‘Sa a, Egipt matsɛ nyɔguɛhi ji wɔ, nɛ Yawɛ kɛ kɔni si wami je wɔ kɛ je Egipt.

Mose V, 9:12

“Kɛkɛ nɛ Yawɛ de mi ke, ‘Kple si kɛ je yo ɔ nɔ esɔ; o ma a nɛ o ya je kɛ je Egipt ɔ tla blɔ momo, nɛ a pee yayami. Amlɔ nɛ ɔ nɔuu ɔ, a gba kɛ je nɔ́ nɛ i fa mɛ ke a pee ɔ he; a puɛ amaga, nɛ a ngɛ lɛ jae.’

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Mose V, 13:11

Ke e ba mi ja a, Israel ma a tsuo maa nu sane ɔ he; a maa ye gbeye, nɛ nɔ ko nɔ ko be nɔ́ yayami kaa kikɛ nɛ ɔ pee hu.

Mose V, 16:1

“Nyɛɛ ye Hetsɔmi nyami be ɔ ngɛ nyɔhiɔ nɛ a tsɛɛ Abib ɔ mi kɛ wo Yawɛ, nyɛ Mawu ɔ hɛ mi nyami. Nyɔ ko mi ngɛ jamɛ a nyɔhiɔ ɔ mi nɛ e kpɔ̃ nyɛ kɛ je Egipt ɔ nɛ.

Mose V, 26:8

Yawɛ ngɔ e he wami kɛ kɔni si wami nɛ ngɛ gbeye kɛ je wɔ kɛ je Egipt. E pee okadihi, kɛ nyakpɛ níhi babauu.

Manyadali 2:12

A kua Yawɛ, a nɛmɛ a Mawu ɔ nɛ je mɛ kɛ je Egipt zugba a nɔ ɔ; nɛ a ya nyɛɛ mawu kpahi nɛ ji nihi nɛ bɔle mɛ ɔ a mawu ɔmɛ a se. A ja mɛ, nɛ a kɛ nɔ́ nɛ ɔ wo Yawɛ mi mi la.

Manyadali 6:8

Yawɛ tsɔ gbalɔ ko kɛ ba a ngɔ, nɛ e ba de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: Imi lɛ i kpaka nyɛ kɛ je nyɔguɛ yemi mi ngɛ Egipt kɛ ba hiɛmɛ nɛ ɔ nɛ.

Nehemia 1:10

“Nyɔmtsɛ, o tsɔli ji nɛ ɔmɛ nɛ, nɛ mo nitsɛ o ma ji nɛ ɔ nɛ. O kɛ o he wami nguaa kɛ nyɛmi kpɔ mɛ.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

La 136:12

Lɛ nɛ e ngɔ e he wami kpetekpleenyɛ ɔ kɛ tsu nɔ́ nɛ ɔ; ejakaa e suɔmi ɔ ngɛ kɛ yaa neneene!

Yeremia 34:13

Israel Mawu ɔ de mi ke ma ya de ma a ke, “Benɛ i ya je nyɛ nɛmɛ ɔmɛ kɛ je Egipt zugba a nɔ, nɛ i ha nɛ a ye a he kɛ je nyɔguɛ si himi mi ɔ, i kɛ mɛ so somi ko. I de mɛ ke

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.