Mose II, 13:21 - BAIBLO ALOO NGMAMI KLƆUKLƆU Ɔ

²¹ Piani ɔ, Yawɛ nyɛɛɔ a hɛ mi ngɛ bɔku titima mi nɛ e kɛ tsɔɔ mɛ blɔ. Nyɔ mi lɛɛ e nyɛɛɔ a hɛ mi ngɛ la titima mi nɛ e kɛ haa a hyɛɛ nɔ́, konɛ a nyɛ nɛ a nyɛɛ nyɔ kɛ pia.

Mose II, 13:21 ပူးပေါင်းရင်းမြစ်များ

Nehemia 9:12

O ngɔ bɔku kɛ tsɔɔ mɛ blɔ piani; se nyɔ mi lɛɛ o ha mɛ la nɛ a kɛ hyɛ a blɔ mi.

La 99:7

E kɛ mɛ tu munyu ngɛ bɔku titima mi. A ye mlaahi nɛ e wo mɛ, kɛ famihi nɛ e fa mɛ ɔ tsuo nɔ.

Mose V, 1:33

be mi nɛ lɛɛ daa nɛ ɔ e nyɛɛ nyɛ hɛ mi kɛ ngɛ sito he hlae ha nyɛ. Nyɔ mi ɔ, e nyɛɛ nyɛ hɛ mi kɛ la titima, nɛ piani ɔ, e nyɛɛ nyɛ hɛ mi ngɛ bɔku titima mi kɛ tsɔɔ nyɛ blɔ.

La 105:39

Mawu ha nɛ bɔku ba ha Israel bi ɔmɛ a he; e ha mɛ la, nɛ a kɛ hyɛ nɔ́ nyɔ mi.

La 78:14

Piani ɔ, e kɛ bɔku tsɔɔ mɛ blɔ, nyɔ mi lɛɛ e haa mɛ la nɛ hii kpɛe.

Nehemia 9:19

Jamɛ a be ɔ mi po, o ngmɛɛ we a he ngɛ nga kplanaa a nɔ; ejakaa o naa mɔbɔ saminya. O je we bɔku ɔ nɛ tsɔɔ mɛ blɔ piani ɔ, kɛ la a hu nɛ tsɔɔ mɛ blɔ nyɔ mi ɔ kɛ ji a he.

Mose IV, 14:14

a maa sɛɛ ha zugba nɛ ɔ nɔ bi. Nimli nɛ ɔmɛ nu momo kaa mo Yawɛ, o ngɛ wa kpɛti. Nimli nɛ ɔmɛ nu momo kaa mo Yawɛ, o bɔku ɔ ba daa si ngɛ wa yi mi, nɛ a naa mo paa hɛ mi kɛ hɛ mi. A nu momo kaa piani ɔ, o nyɛɛɔ wa hɛ mi ngɛ bɔku titima mi, nɛ nyɔ mi lɛɛ o nyɛɛɔ wa hɛ mi ngɛ la titima mi.

Mose IV, 10:34

Be tsuaa be nɛ a maa hia kɛ je a sito he ɔ, Yawɛ bɔku ɔ ma ba da a yi mi piani.

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

La 68:7

Mawu, be nɛ o nyɛɛ o ma a hɛ mi, be nɛ o kɛ mɛ gu nga kplanaa a nɔ ɔ,

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Mose II, 10:10

Nɛ Farao ɔ de mɛ ke, “Yawɛ nɛ gbaa nyɛ, ke i ngmɛ nyɛ blɔ nɛ nyɛɛ kɛ nyɛ bimɛ ɔmɛ ho fii! Ɛhɛɛ, juɛmi yaya ko ngɛ nyɛ yi mi.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”