Mose II, 13:2 - BAIBLO ALOO NGMAMI KLƆUKLƆU Ɔ

² “Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Mose II, 13:2 ပူးပေါင်းရင်းမြစ်များ

Luka 2:23

kaa bɔ nɛ a ngma ngɛ Nyɔmtsɛ ɔ mlaa a mi ke, “Binyumu tsuaa binyumu nɛ bliɔ muklii nya, kɛ lohwe ku tsuaa lohwe ku kekleekle nɔ́ nɛ a ma fɔ ɔ, a hla kɛ to ha Nyɔmtsɛ ɔ.”

Mose V, 15:19

“Moo hla o na amɛ, kɛ o to ɔmɛ a kekleekle bi ku ɔmɛ nɛ a ma fɔ ɔ ngɔ to ha Yawɛ, o Mawu ɔ; koo ngɔ na nɛ ɔmɛ kɛ tsu nɔ́ ko, nɛ jijɔ bi ɔmɛ hu ko sã a he bwɔmi.

Mose IV, 18:15

“Nɔ́ tsuaa nɔ́ nɛ bliɔ muklii nya, nɛ a kɛ ba ha Yawɛ ɔ maa pee o nɔ, nɔmlɔ jio, we mi lohwe jio. Se nɔmlɔ adesa e kekleekle bi, kɛ lohwe nɛ he tsɔ we e kekleekle bi lɛɛ o ha nɛ a kpɔ mɛ.

Mose III, 27:26

Lohwe tsuaa lohwe ɔ, e kekleekle bi ɔ, e ji Yawɛ nɔ́ momo, lɔ ɔ he ɔ, nɔ ko kó ngɔ kɛ ba ha Yawɛ kaa bɔ nɛ je nɔ tsui mi faa, na jio, jijɔ jio.

Mose II, 4:22

Bɔ nɛ o ma de Farao ɔ ji, Yawɛ ke, ‘Israel ɔ, ye binyumu ji lɛ; ee ye bitɛte ji lɛ!

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Mose II, 13:1

Yawɛ de Mose ke,

Mose IV, 3:12

“Jehanɛ, Levi bi ɔmɛ maa pee ye níhi. Benɛ i gbe Egipt bi ɔmɛ a bitɛte ɔmɛ tsuo ɔ, i tsukɔ Israel bi ɔmɛ a bitɛte tsuaa bitɛte, kɛ a lohwehi hu a kekleekle bihi a he kɛ pee ye níhi. Jehanɛ lɛɛ i hla Levi bi ɔmɛ kɛ to Israel bitɛte ɔmɛ a nane mi; a maa pee ye níhi. Imi ji Yawɛ.”

Nehemia 10:36

Wa ti nɔ tsuaa nɔ maa ngɔ e kekleekle binyumu kɛ ba osɔfo ɔmɛ a ngɔ ngɛ wa Mawu ɔ we ɔ, konɛ a pee mɛ klɔuklɔu kɛ ha Mawu kaa bɔ nɛ mlaa a tsɔɔ ɔ. Jehanɛ, wa maa ngɔ wa na amɛ, kɛ wa to ɔmɛ a kekleekle bihi hu kɛ ba.

Ezekiel 16:20

“Jehanɛ hu o bimɛ, nyumuhi kɛ yihi nɛ o fɔ ha mi ɔ, o gbe mɛ kɛ sã bɔ kɛ ja amagahi. Anɛ anɔkuale nɛ o yi mi nɛ ɔ pi ha mo,

Ezekiel 16:21

nɛ lɔ ɔ he o kpale gbe ye bimɛ ɔmɛ, nɛ o ngɔ mɛ kɛ pee sami bɔ kɛ ha amagahi ɔ?

Mose II, 22:28

“Ko jɛ Mawu; nɛ koo gbiɛ o matsɛ.

Nehemia 10:37

Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.