Mose II, 13:17 - BAIBLO ALOO NGMAMI KLƆUKLƆU Ɔ

¹⁷ Benɛ Farao ɔ ha nɛ Israel bi ɔmɛ je ɔ, Mawu kpakaa we mɛ kɛ gu blɔ kpiti ɔ nɛ gu Filisti bi ɔmɛ a zugba a mi ɔ. Mawu de ke, “Ke ta ba na ma nɛ ɔ pɛ, ke o li peemi ɔ, a yi mi ma plɛ, nɛ a maa kpale kɛ ho Egipt ya.”

Mose II, 13:17 ပူးပေါင်းရင်းမြစ်များ

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

Matsɛmɛ I, 8:47

moo bu o ma mi bi ɔmɛ a kue fami ɔ tue. Ke benɛ a ngɛ jamɛ a zugba a nɔ ɔ, a pia a he, nɛ a tsake a tsui, nɛ a jaje a he yayami ngɔ ha mo ɔ, moo bu a kue fami ɔ tue.

Ni Tsumi 7:39

“Wa nɛmɛ ɔmɛ bui lɛ, mohu a hɛɛ lɛ soisoi, nɛ a hla kaa a maa kpale a se kɛ ho Egipt ya ekohu.

Mose V, 20:8

“Jehanɛ asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ sawale nu lɛ, nɛ e ngɛ gbeye yee lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, e ma ha fɔ̃ maa sɛ e nyɛmimɛ ɔmɛ a mi.’

Ni Tsumi 15:38

Se Paulo lɛɛ e susu kaa e dɛ kaa a ngɔɔ lɛ kɛ yaa. Ejakaa blɔ ko nɛ a hia be ko ɔ, e kɛ mɛ gbi nya, se mohu benɛ a su Pamfilia a, e kpale ngɛ a se.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Manyadali 7:3

Lɔ ɔ he ɔ, ha nɛ ma a tsuo nɛ nu kaa, ‘Nɔ tsuaa nɔ nɛ ngɛ gbeye yee nɛ e he ngɛ doe ɔ, e kpale kɛ ho we mi ya.’ ” Benɛ Gideon ka mɛ ɔ, nimli akpe nyingmi enyɔ kɛ enyɔ kpale a se; nɛ e piɛ nimli akpe nyɔngma.

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

Mose II, 14:10

Benɛ Farao ɔ ná mɛ ta, nɛ Israel bi ɔmɛ wo a hɛ nɔ nɛ a na kaa Egipt bi ɔmɛ nyɛɛ a se kɛ ma a, sawale nu mɛ, nɛ a kpa bubuubui kɛ tsɛ Yawɛ.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”