Mose II, 13:15 - BAIBLO ALOO NGMAMI KLƆUKLƆU Ɔ

¹⁵ Benɛ Farao ɔ kplii e tsui nɛ e kplɛɛ we kaa waa ho ɔ, Yawɛ gbe Egipt kekleekle bimɛ tsuo; nimli a bitɛtehi, kɛ lohwehi a kekleekle bihi. Enɛ ɔ he ɔ, lohwe ku tsuaa lohwe ku nɛ bliɔ fɔmi nya a, i kɛ sãã bɔ ngɔ haa Yawɛ; se ye bitɛte ɔmɛ lɛɛ i danii mɛ.

Mose II, 13:15 ပူးပေါင်းရင်းမြစ်များ

Mose II, 12:29

Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.

Mose II, 34:20

O teji kekleekle bi ɔ, o maa ngɔ jijɔ kɛ dani lɛ. Ke o be suɔe nɛ o dani lɛ ɔ, lɛɛ o maa ku e kuɛ. O ma dani o bitɛte tsuaa bitɛte. Nɔ ko nɔ ko nɛ ko ba ye hɛ mi kɛ e dɛ gu.

Mose IV, 3:46

Akɛnɛ Israel bi ɔmɛ a bitɛte ɔmɛ hiɛ pe Levi bi ɔmɛ kɛ nimli lafa enyɔ kɛ nyingmi kpaago kɛ etɛ he je ɔ, á kpɔ bimɛ nɛ be nɔ ɔ.

Mose IV, 18:15

“Nɔ́ tsuaa nɔ́ nɛ bliɔ muklii nya, nɛ a kɛ ba ha Yawɛ ɔ maa pee o nɔ, nɔmlɔ jio, we mi lohwe jio. Se nɔmlɔ adesa e kekleekle bi, kɛ lohwe nɛ he tsɔ we e kekleekle bi lɛɛ o ha nɛ a kpɔ mɛ.

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

Mose II, 3:19

I le kaa ke nyɛ doo Egipt matsɛ ɔ nya wawɛɛ tete po, e be nyɛ he ngmɛɛe.

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”