Mose II, 13:14 - BAIBLO ALOO NGMAMI KLƆUKLƆU Ɔ

¹⁴ Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 13:14 ပူးပေါင်းရင်းမြစ်များ

Mose I, 30:33

Pee se, ke o ma ye hiɔwo ɔ bumi ɔ, o maa na kaa i ye mo anɔkuale, loo i sisi mo. Ke o ba na akpakpo ko nɛ e he be huatahuata nɛ a tsɔɔtsɔɔ we e he hulɔ, aloo jijɔ ko nɛ yu we ɔ, lɛɛ o le kaa imi nɛ i ju lɛ.”

Kronika I, 16:12

Nyɛ Mawu tsɔlɔ Yakob nina, Israel nina, nyɛ nɛ Mawu hla; nyɛ kai nyakpɛ níhi nɛ Mawu pee ɔ, kɛ bɔ nɛ e kojo je ma amɛ ha.

Nehemia 1:10

“Nyɔmtsɛ, o tsɔli ji nɛ ɔmɛ nɛ, nɛ mo nitsɛ o ma ji nɛ ɔ nɛ. O kɛ o he wami nguaa kɛ nyɛmi kpɔ mɛ.

La 136:11

Nɛ e je Israel bi ɔmɛ kɛ je Egipt bi ɔmɛ a dɛ mi; ejakaa e suɔmi ɔ ngɛ kɛ yaa neneene!

La 145:4

Yi nɔ kake ma je níhi nɛ o tsu ɔ a yi kɛ tsɔɔ yi nɔ nɛ nyɛɛ se ɔ; nɛ he wami níhi nɛ o tsu ɔ, a maa sɛɛ kɛ ha mɛ.

La 78:4

Wa be ní nɛ ɔmɛ ngɔe kɛ laa wa bimɛ. Yi nɔhi nɛ maa ba ngɛ se ɔ, ní nguanguahi nɛ Yawɛ tsu, nyakpɛ níhi nɛ e pee, kɛ he wami kpetekpleenyɛ nɛ e ngɛ ɔ, wa maa gba mɛ.

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 13:8

Jamɛ a ligbi ɔ, nyɛ ma de nyɛ bimɛ ɔmɛ ke nɔ́ nɛ Yawɛ pee ha wɔ be nɛ wa hia kɛ je Egipt zugba a nɔ ɔ he je nɛ wa ngɛ nɔ́ nɛ ɔ pee ɔ nɛ.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Yeremia 34:13

Israel Mawu ɔ de mi ke ma ya de ma a ke, “Benɛ i ya je nyɛ nɛmɛ ɔmɛ kɛ je Egipt zugba a nɔ, nɛ i ha nɛ a ye a he kɛ je nyɔguɛ si himi mi ɔ, i kɛ mɛ so somi ko. I de mɛ ke

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.

Ni Tsumi 13:17

Israel Mawu ɔ hla wa nɛmɛ ɔmɛ, nɛ e pee mɛ ma kpetekpleenyɛ benɛ a ya to nibwɔ ngɛ Egipt ɔ. Mawu ngɔ e he wami kpetekpleenyɛ ɔ kɛ je mɛ kɛ je lejɛ ɔ.

Mose V, 5:15

Kai kaa mo hu o ya ye nyɔguɛ ngɛ Egipt, nɛ imi Yawɛ, o Mawu ɔ kɛ kɔni si wami, kɛ nyɛmi kpɔ mo kɛ je lejɛ ɔ. Lɔ ɔ he nɛ i wo mo mlaa ke o ye Hejɔɔmi ligbi ɔ nɛ.

Mose V, 5:6

Nɔ́ nɛ Yawɛ de ji nɛ ɔ nɛ: ‘Imi ji Yawɛ, o Mawu ɔ nɛ je mo kɛ je Egipt zugba a nɔ, kɛ je nyɔguɛ yemi mi ɔ nɛ.

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Yoshua 22:24

Dɛbi! Wa pee enɛ ɔ, ejakaa wa ye gbeye kaa hwɔɔ se ko ɔ, nyɛ nina ma de wa nina ke, ‘Mɛni blɔ fa mi nɔ́ nyɛ ngɛ ngɛ Yawɛ, Israel Mawu ɔ ngɔ?

Yoshua 24:17

Yawɛ, wa Mawu ɔ lɛ je wɔ, kɛ wa nɛmɛ ɔmɛ kɛ je nyɔguɛ yemi mi ngɛ Egipt, nɛ wa na nyakpɛ níhi nɛ e pee ɔ. E baa wa yi, nɛ e je wɔ kɛ je wa he nyɛli ɔmɛ a dɛ mi ngɛ he tsuaa he nɛ wa gu ɔ.

Yoshua 4:6

Tɛ nɛ ɔmɛ maa pee kaimi nɔ́ ha nyɛ. Ke nyɛ bimɛ bi nyɛ hwɔɔ se ko ke, ‘Mɛni tɛ nɛ ɔmɛ tsɔɔ ɔ,’

Manyadali 2:12

A kua Yawɛ, a nɛmɛ a Mawu ɔ nɛ je mɛ kɛ je Egipt zugba a nɔ ɔ; nɛ a ya nyɛɛ mawu kpahi nɛ ji nihi nɛ bɔle mɛ ɔ a mawu ɔmɛ a se. A ja mɛ, nɛ a kɛ nɔ́ nɛ ɔ wo Yawɛ mi mi la.

Manyadali 6:8

Yawɛ tsɔ gbalɔ ko kɛ ba a ngɔ, nɛ e ba de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: Imi lɛ i kpaka nyɛ kɛ je nyɔguɛ yemi mi ngɛ Egipt kɛ ba hiɛmɛ nɛ ɔ nɛ.