Mose II, 13:13 - BAIBLO ALOO NGMAMI KLƆUKLƆU Ɔ

¹³ Nyɛ teji kekleekle bi ku lɛɛ nyɛ maa ngɔ jijɔ kɛ dani lɛ. Nɛ ke nyɛ be suɔe nɛ nyɛ dani lɛ ɔ, lɛɛ nyɛ maa ku e kuɛ. Bitɛte tsuaa bitɛte ngɛ nyɛ binyumu ɔmɛ a kpɛti ɔ, nyɛ dani lɛ.

Mose II, 13:13 ပူးပေါင်းရင်းမြစ်များ

Mose II, 34:20

O teji kekleekle bi ɔ, o maa ngɔ jijɔ kɛ dani lɛ. Ke o be suɔe nɛ o dani lɛ ɔ, lɛɛ o maa ku e kuɛ. O ma dani o bitɛte tsuaa bitɛte. Nɔ ko nɔ ko nɛ ko ba ye hɛ mi kɛ e dɛ gu.

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Mose II, 12:21

Mose tsɛ Israel ma nimeli ɔmɛ tsuo kpe, nɛ e de mɛ ke, “Nyɛ ya hla jijɔhi nyɛɛ to we puɔ nya we puɔ nya, nɛ nyɛɛ gbe kɛ ha Hetsɔmi ɔ yemi.

Mose II, 12:3

Nyɛ de Israel ma a tsuo ke nyɔhiɔ nɛ ɔ ligbi nɛ ji nyɔngma a, nyumu tsuaa nyumu nɛ hla to bi kake, jijɔ, loo apletsi kɛ ha e we.

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”