Mose II, 13:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nyɛɛ pee kusumi nɛ ɔ daa jeha be nɛ a to ɔ.

Mose II, 13:10 ပူးပေါင်းရင်းမြစ်များ

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose III, 23:6

Jamɛ a nyɔhiɔ ɔ nɔuu we ligbi nyɔngma kɛ enuɔne ɔ ji Abolokplolo nyami be ɔ sisije ɔ nɛ. Nyɛɛ ye abolo kplolo ligbi kpaago.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose II, 12:17

Nyɛɛ ye Abolokplolo nyami be ɔ; ejakaa jamɛ a ligbi ɔ nɔ nɔuu nɛ i je nyɛ ma a wɛtso nya wɛtso nya kɛ je Egipt zugba a nɔ ɔ nɛ. Lɔ ɔ he ɔ, nyɛɛ ye ligbi nɛ ɔ, nɛ e pee nɔ́ ko nɛ fɔɔ si kaa mlaa ha nyɛɛ kɛ nyɛ nina kɛ maa ya neneene.

Mose II, 12:42

Jamɛ a nyɔ ɔ ji nyɔ nɛ Yawɛ huɔ nɛ e kɛ je Israel bi ɔmɛ kɛ je Egipt zugba a nɔ ɔ nɛ. Enɛ ɔ he je ɔ, jamɛ a nyɔ ɔ pee nyɔ nɛ daa jeha a, Israel bi ɔmɛ kɛ a nina tsuo huɔɔ nyɔ kɛ haa Yawɛ.

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.