Mose II, 12:8 - BAIBLO ALOO NGMAMI KLƆUKLƆU Ɔ

⁸ A sã lo ɔ, nɛ a ye lɛ kɛ agba pui, kɛ abolo kplolo jamɛ a nyɔ ɔ mi nɔuu.

Mose II, 12:8 ပူးပေါင်းရင်းမြစ်များ

Kronika II, 35:13

Levi bi ɔmɛ sã lohwe ɔmɛ nɛ a kɛ maa ye Hetsɔmi ɔ ngɛ la nɔ. A hoo bɔ sami ní klɔuklɔu ɔmɛ ngɛ buɛhi, dadesɛhi, kɛ kãhi a mi, nɛ a dla lo ɔ mlamlaamla ngɔ ha nɔ tsuaa nɔ.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

Mose II, 1:14

A hɛɛ zu, a peeɔ bliikisi, nɛ a tsuɔ ngmɔ ní tsumi slɔɔtohi; nɛ ní tsumi ɔ eko tsuaa eko mi ɔ, a waa mɛ yi mi wawɛɛ.

Mose II, 12:9

A ko ye lo ɔ mumu, nɛ a ko hoo lɛ ngɛ nyu mi hulɔ. Se a sã lohwe ɔ mluku; e yi ɔ, e nane ɔmɛ, kɛ e mi ní ɔmɛ tsuo.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 13:7

Á ye abolo kplolo ligbi kpaago ɔmɛ tsuo. A ko na masa abolo ko ngɛ nyɛ dɛ mi, nɛ a ko na masa ko ngɛ nyɛ huza a nɔ he ko he ko.

Mose II, 23:18

“Koo ngɔ masa nɔ́ ko kɛ piɛ bɔ sami muɔ ko he kɛ ba ye hɛ mi; lohwe zɔ nɛ a kɛ sã bɔ ha mi nyami be ɔ, ko ha je nɛ na yi.

Mose II, 34:25

“Koo ngɔ abolo nɛ a kɛ masa sã a ngɔ piɛ lohwe nɛ o kɛ ngɛ bɔ sãe ha mi ɔ he. Lohwe nɛ a gbe Hetsɔmi nyami be ɔ hu, je nɛ ko na yi.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Amos 4:5

Ke nyɛɛ kɛ abolo ma Mawu si nami ɔ, nyɛ peeɔ yayami! Jehanɛ, ke nyɛ je nyɛ tsui mi faa, nɛ nyɛ ngɔ bɔ kpa komɛ kɛ ma po, nyɛ suɔ kaa nyɛɛ fĩa! Israel ma, nɔ́ nɛ nyɛ suɔ peemi ji nɛ ɔ nɛ. Nyɛɛ ya nɔ nɛ nyɛɛ pee!

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mateo 16:12

Jehanɛ lɛɛ kaseli ɔmɛ ba kɔ se kaa pi masa nɛ a kɛ woɔ abolo mi ɔ he nɛ e de mɛ ke a hɛ nɛ hi a he nɔ ɔ, se mohu, Farisi bi ɔmɛ, kɛ Saduki bi ɔmɛ a tsɔɔmi ɔ he.

Mateo 26:26

Benɛ a ngɛ ní ɔ yee ɔ, Yesu kɛ̃ abolo nɛ e gbaa nɔ, nɛ e ku mi, nɛ e ngɔ ha e kaseli ɔmɛ, nɛ e ke, “Nyɛ he nɛ nyɛɛ ye! Enɛ ɔ ji ye nɔmlɔ tso ɔ nɛ.”

Galatabi 5:9

“Masa bɔbɔyoo pɛ lɛ haa ma a tsuo fuɔ.”

Mose V, 16:7

Nyɛɛ hoo lo ɔ, nɛ nyɛɛ ye ngɛ he nɛ Yawɛ, nyɛ Mawu ɔ to nɛ a ja lɛ ngɛ ɔ; e nɔ jena mɔtu loko nyɛɛ kpale kɛ ya we mi.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.