Mose II, 12:51 - BAIBLO ALOO NGMAMI KLƆUKLƆU Ɔ

⁵¹ Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Mose II, 12:51 ပူးပေါင်းရင်းမြစ်များ

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.

Mose II, 6:26

Aaron kɛ Mose nɛ ɔ ji nihi nɛ Yawɛ de mɛ ke a ya nɛ a ya kpaka Israel ma kpekpemi ɔ kɛ je Egipt zugba a nɔ kɛ ba a nɛ.

Ni Tsumi 13:17

Israel Mawu ɔ hla wa nɛmɛ ɔmɛ, nɛ e pee mɛ ma kpetekpleenyɛ benɛ a ya to nibwɔ ngɛ Egipt ɔ. Mawu ngɔ e he wami kpetekpleenyɛ ɔ kɛ je mɛ kɛ je lejɛ ɔ.

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 7:4

Enɛ ɔ se ɔ, ma nu Egipt kã nya, nɛ ma kpaka ye ma kpekpemi ɔ nɛ ji Israel bi ɔmɛ kɛ je Egipt zugba a nɔ; nɛ ma ye dami sane ha nyɛ.

Mose II, 12:50

Israel bi ɔmɛ tsuo bu tue, nɛ a pee kaa bɔ nɛ Yawɛ wo Mose kɛ Aaron mlaa a.

Mose II, 13:1

Yawɛ de Mose ke,

Mose II, 16:1

Israel ma a tsuo hia kɛ je Elim, nɛ a ba su Sin nga a nɔ, ngɛ Elim kɛ Sinai a kpɛti. Nɛ́ a je Egipt ɔ se nyɔhiɔ enyɔne ɔ ligbi nɛ ji nyɔngma kɛ enuɔ ɔ nɛ a hia a nɛ.

Mose II, 19:1

Nɛ Israel bi ɔmɛ je Egipt ɔ se nyɔhiɔ etɛne ɔ kekleekle ligbi ɔ, a je Refidim kɛ ho Sinai nga a nɔ ya, nɛ a ya to si ngɛ Sinai yo ɔ sisi.

La 114:1

Benɛ Israel bi ɔmɛ je Egipt, ee, benɛ Yakob nina a je ma se zugba a nɔ ɔ,

La 136:11

Nɛ e je Israel bi ɔmɛ kɛ je Egipt bi ɔmɛ a dɛ mi; ejakaa e suɔmi ɔ ngɛ kɛ yaa neneene!

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose III, 23:43

konɛ nyɛ nina nɛ na nɛ a le kaa gbahi a sisi nɛ Yawɛ ha nyɛ nɛmɛ Israel bi ɔmɛ hi, benɛ i kpaka mɛ kɛ je Egipt ɔ. Imi ji Yawɛ, nyɛ Mawu ɔ nɛ.

Mose IV, 23:22

Mawu ji nɔ nɛ je mɛ kɛ je Egipt. Israel he wami ngɛ kaa na ku he wami.

Mose IV, 26:4

nɛ a ngma ni nɛmɛ nɛ a ye kɛ je jeha nyingmi enyɔ kɛ yaa a a biɛ kaa bɔ nɛ Yawɛ fa Mose ɔ. Israel ma a nɛ je Egipt kɛ ba a ji nɛ ɔ nɛ.

Mose IV, 33:1

Sane nɛ ɔ gbaa wɔ he slɔɔtohi nɛ Israel bi ɔmɛ to si ngɛ benɛ Mose kɛ Aaron ngɔ mɛ wɛtso nya wɛtso nya kɛ je Egipt ɔ.

Mose V, 4:37

Akɛnɛ e suɔ nyɛ nɛmɛ ɔmɛ he je ɔ, e hla nyɛ, nɛ lɛ nitsɛ e kɛ e he wami kpetekpleenyɛ ɔ je nyɛ kɛ je Egipt.

Mose V, 16:1

“Nyɛɛ ye Hetsɔmi nyami be ɔ ngɛ nyɔhiɔ nɛ a tsɛɛ Abib ɔ mi kɛ wo Yawɛ, nyɛ Mawu ɔ hɛ mi nyami. Nyɔ ko mi ngɛ jamɛ a nyɔhiɔ ɔ mi nɛ e kpɔ̃ nyɛ kɛ je Egipt ɔ nɛ.

Yoshua 24:5

Pee se ɔ, i tsɔ Mose kɛ Aaron Egipt, nɛ i ha haomi nɛ nya wa ba Egipt nɔ. Se nyɛɛ lɛɛ i kpaka nyɛ kɛ je lejɛ ɔ;

Matsɛmɛ I, 6:1

Israel bi ɔmɛ a we Egipt jemi se jeha lafa eywiɛ kɛ nyingmi kpaanyɔ, nɛ ji Israel matsɛ, Salomo tsɛ yemi jeha eywiɛne ɔ we nyɔhiɔ enyɔne ɔ nɛ a tsɛɛ Ziv ɔ mi ɔ, Salomo je Yawɛ we ɔ mami sisi.

Kronika II, 14:12

Benɛ Asa kɛ Yuda tabo ɔ ya tua Sudan tabo ɔ, Yawɛ ye Sudan tabo ɔ nɔ kunimi. A tu fo,