Mose II, 12:42 - BAIBLO ALOO NGMAMI KLƆUKLƆU Ɔ

⁴² Jamɛ a nyɔ ɔ ji nyɔ nɛ Yawɛ huɔ nɛ e kɛ je Israel bi ɔmɛ kɛ je Egipt zugba a nɔ ɔ nɛ. Enɛ ɔ he je ɔ, jamɛ a nyɔ ɔ pee nyɔ nɛ daa jeha a, Israel bi ɔmɛ kɛ a nina tsuo huɔɔ nyɔ kɛ haa Yawɛ.

Mose II, 12:42 ပူးပေါင်းရင်းမြစ်များ

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose II, 13:10

Lɔ ɔ he ɔ, nyɛɛ pee kusumi nɛ ɔ daa jeha be nɛ a to ɔ.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

La 136:11

Nɛ e je Israel bi ɔmɛ kɛ je Egipt bi ɔmɛ a dɛ mi; ejakaa e suɔmi ɔ ngɛ kɛ yaa neneene!