Mose II, 12:39 - BAIBLO ALOO NGMAMI KLƆUKLƆU Ɔ

³⁹ Nɛ a ngɔ ma a nɛ a kɛ je Egipt ɔ kɛ sã abolo kplolo. A na we be nɛ a kɛ gbe ma a; niye ní hu a hoo we, ejakaa pe a fie mɛ kpatakpata kɛ je Egipt.

Mose II, 12:39 ပူးပေါင်းရင်းမြစ်များ

Mose II, 11:1

Yawɛ de Mose ke, “E piɛ haomi kake nɛ i kɛ maa ba Farao ɔ kɛ Egipt nɔ, nɛ lɔ ɔ se ɔ, e ma ha nɛ nyɛɛ je. Ke be ɔ su nɛ e ma ha nɛ nyɛɛ ho ɔ, pe e maa fie nyɛ, nɛ e maa bɛɛ nyɛ kaa a bɛɛɔ dwɔmi.

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Mateo 13:33

Yesu bu mɛ abɛ kpa ke, “Hiɔwe matsɛ yemi ɔ ngɛ kaa kikɛ nɛ ɔ: Yo ko ngɔ masa nɛ e kɛ futu kplolo mamu lita nyingmi eywiɛ kɛ ya su be nɛ lɛ tsuo fu.”

Mose II, 12:34

Lɔ ɔ he ɔ, Israel bi ɔmɛ ngɔ a ma nɛ sa we lolo ɔ, kɛ ma sowe ɔmɛ, nɛ a fi kpla a konɔ.