Mose II, 12:38 - BAIBLO ALOO NGMAMI KLƆUKLƆU Ɔ

³⁸ Futufutu nimli komɛ hu piɛ a he, kɛ tohi, kɛ nahi babauu.

Mose II, 12:38 ပူးပေါင်းရင်းမြစ်များ

Mose IV, 11:4

E ba mi kaa de lo ba bɔni futufututsɛmɛ nɛ ngɛ Israel bi ɔmɛ a kpɛti ɔ jlomi. Israel bi ɔmɛ nitsɛ hu wo yana ekohu nɛ a bi ke, “Ao, wa be de lo nae maa ye lo?

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Mose II, 10:9

Mose ha lɛ heto ke, “Wɔ tsuo pɛpɛɛpɛ nɛ wa maa ya a nɛ; jokuɛwi kɛ nikɔtɔmahi. Waa kɛ wa binyumuhi, wa biyihi, kɛ wa lohwehi kulaa maa ya; ejakaa wa yaa nɛ wa ya ye nyami ligbi kɛ wo Yawɛ hɛ mi nyami.”

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Mose IV, 20:19

Israel bi ɔmɛ de ke, “Gbɛjegbɛ ɔ nɔ kɛkɛ wa maa nyɛɛ; nɛ ke e ba mi kaa wɔ, loo wa lohwe ɔmɛ nu nyɛ nyu ɔ eko ɔ, wa maa wo he hiɔ. Moo lɛɛ moo ngmɛ wɔ blɔ nɛ waa gu o zugba a nɔ kɛ be kɛkɛ; enɛ ɔ pɛ wa ngɛ bie.”

Mose IV, 32:1

Ruben bi ɔmɛ, kɛ Gad bi ɔmɛ ngɛ lohwehi babauu nitsɛ. Benɛ a na kaa Yazer zugba a, kɛ Gilead zugba a hi ha lohwe lɛmi ɔ,

Mose V, 3:19

Nyɛ yi ɔmɛ, nyɛ bimɛ tsɔwi ɔmɛ, kɛ nyɛ na amɛ lɛɛ a hi ma amɛ nɛ i ngɔ ha nyɛ ɔ a mi. I le kaa nyɛ ngɛ lohwehi babauu.

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.

Nehemia 13:3

Benɛ ma a nu mlaa a nɛ a kane ɔ, a je nibwɔ ɔmɛ tsuo kɛ je Israel bi ɔmɛ a kpɛti.

Mose III, 24:10

Nyumu ko hi si nɛ e tsɛ ɔ Egipt no, se e nyɛ lɛɛ Israel no. E nyɛ ɔ, Dibri nɛ je Dan wɛtso ɔ mi ɔ biyo ji lɛ; nɛ a tsɛɛ lɛ Shelomit. Nyumu nɛ ɔ kɛ Israel no ko pɛ ngɛ ma sito he ɔ. Benɛ a ngɛ pɛe ɔ, nyumu ɔ gbiɛ Mawu; lɔ ɔ he ɔ, a nu lɛ kɛ ya ha Mose.