Mose II, 12:37 - BAIBLO ALOO NGMAMI KLƆUKLƆU Ɔ

³⁷ Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mose II, 12:37 ပူးပေါင်းရင်းမြစ်များ

Mose II, 38:26

Nɔ tsuaa nɔ ha ngɛ he klɔuklɔu ɔ susumi nɔ́ ɔ nya. Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ a kane lɛ ɔ, ha kikɛmɛ a sika nɛ ɔ. Nyumuhi abɔ nɛ a ngma a biɛ benɛ a ngɛ ni ɔmɛ kanee ɔ, a yibɔ ji nimli akpe lafa ekpa kɛ etɛ, kɛ e nya lafa enuɔ kɛ nyingmi enuɔ.

Mose IV, 33:5

Israel bi ɔmɛ hia kɛ je Rameses, nɛ a ya to si ngɛ Sukot.

Mose IV, 33:3

Israel bi ɔmɛ je Egipt ngɛ kekleekle nyɔhiɔ ɔ we ligbi nyɔngma kɛ enuɔne nɛ ji kekleekle Hetsɔmi ligbi ɔ we jena nɔ. A kɛ manye hia kɛ je ma nɛ a tsɛɛ Rameses ɔ, ngɛ Egipt bi ɔmɛ tsuo a hɛ mi paa.

Mose IV, 11:21

Mose de Yawɛ ke, “Ma a nɛ i hɛɛ ɔ, a kpɛti nyumuhi kɛkɛ a hiɛmi ji akpe lafa ekpa. Nɛ o deɔ ke o ma ha mɛ de lo nɛ a ye nyɔhiɔ mluku!

Mose I, 47:11

Jehanɛ, Yosef ha e tsɛ kɛ e nyɛmimɛ ɔmɛ sihi he ngɛ Egipt zugba a nɔ. Kaa bɔ nɛ Farao ɔ fa lɛ Yosef ɔ, e ha mɛ weto ní ngɛ Rameses kasa nya, nɛ ji zugba nɛ hi pe zugba a tsuo.

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose IV, 26:51

Israel bi ɔmɛ a kpɛti nyumuhi nɛ a ngma a biɛ ɔ, mɛ tsuo pɛpɛɛpɛ a hiɛmi ji 601,730.

Mose IV, 2:32

Israel ma a tsuo pɛpɛɛpɛ nɛ a kane mɛ weku nya weku nya kɛ tabo nya tabo nya ngɛ ta amɛ a mi ɔ, a hiɛmi ji nimli akpe lafa ekpa kɛ etɛ kɛ e nya lafa enuɔ kɛ nyingmi enuɔ.

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose II, 10:9

Mose ha lɛ heto ke, “Wɔ tsuo pɛpɛɛpɛ nɛ wa maa ya a nɛ; jokuɛwi kɛ nikɔtɔmahi. Waa kɛ wa binyumuhi, wa biyihi, kɛ wa lohwehi kulaa maa ya; ejakaa wa yaa nɛ wa ya ye nyami ligbi kɛ wo Yawɛ hɛ mi nyami.”

Mose II, 13:20

Nɛ a hia kɛ je Sukot, nɛ a ya to si ngɛ Etam ngɛ nga a nya.

Mose IV, 1:2

“O kɛ Aaron nɛ kane Israel ma kpekpemi ɔ tsuo weku nya weku nya, kɛ we puɔ nya we puɔ nya.