Mose II, 12:36 - BAIBLO ALOO NGMAMI KLƆUKLƆU Ɔ

³⁶ Yawɛ ha Egipt bi ɔmɛ ná Israel bi ɔmɛ a he bua jɔmi, nɛ a ha mɛ níhi nɛ a ya ba ngɛ a dɛ ɔ. Blɔ nɔ nɛ Israel bi ɔmɛ gu kɛ kpakpaa Egipt bi ɔmɛ a he níhi kɛ je ji nɛ ɔ nɛ.

Mose II, 12:36 ပူးပေါင်းရင်းမြစ်များ

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

Mose I, 15:14

Se jamɛ a je ma a nɛ maa wa mɛ yi mi ɔ, ma gbla a tue. Nyagbe ɔ, a maa muɔ jamɛ a zugba a nɔ ní babauu kɛ je.

Daniel 1:9

Mawu ha nɛ Ashpenaz na lɛ mɔbɔ.

La 105:37

Kɛkɛ nɛ e kpaka Israel bi ɔmɛ kɛ je; nɔ tsuaa nɔ hɛɛ sika hiɔ, kɛ sika tsu. Nɔ ko nɔ ko be a kpɛti nɛ ji hiɔtsɛ; mɛ tsuo pɛpɛɛpɛ a ngɛ kpakpataa.

Mose II, 11:3

Yawɛ dloomi nya a, Egipt bi ɔmɛ na Israel bi ɔmɛ a he bua jɔmi. Niinɛ, Farao ɔ tsɔli ɔmɛ, kɛ ma a tsuo buu Mose kaa nɔmlɔ ngua nitsɛnitsɛ ngɛ Egipt zugba a nɔ.

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Ni Tsumi 2:47

A jeɔ Mawu yi be tsuaa be, nɛ ni ɔmɛ tsuo ná a he bua jɔmi babauu. Daa ligbi ɔ, nihi nɛ Nyɔmtsɛ ɔ he a yi wami ba piɛɔ asafo ɔ he.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Mose II, 11:2

Jehanɛ ɔ, mo de nɛ Israel bi ɔmɛ nɛ a nu kaa nyumu tsuaa nyumu, kɛ yo tsuaa yo nɛ ya ba june ní, sika hiɔ, kɛ sika tsu ngɛ e nɔle nɔ Egipt no dɛ.”

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.