Mose II, 12:31 - BAIBLO ALOO NGMAMI KLƆUKLƆU Ɔ

³¹ Nɛ nyɔ ɔ mi nɔuu ɔ, Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Nyɛɛ te si nɛ nyɛɛ je ye ma mi bi ɔmɛ a kpɛti, nyɛɛ kɛ Israel ma a tsuo, nɛ nyɛ ya ja Yawɛ kaa bɔ nɛ nyɛ de ɔ.

Mose II, 12:31 ပူးပေါင်းရင်းမြစ်များ

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

La 105:38

Benɛ Israel bi ɔmɛ je ɔ, Egipt bi ɔmɛ na bua jɔmi wawɛɛ nitsɛ; ejakaa a ye Israel bi ɔmɛ gbeye.

Mose II, 10:9

Mose ha lɛ heto ke, “Wɔ tsuo pɛpɛɛpɛ nɛ wa maa ya a nɛ; jokuɛwi kɛ nikɔtɔmahi. Waa kɛ wa binyumuhi, wa biyihi, kɛ wa lohwehi kulaa maa ya; ejakaa wa yaa nɛ wa ya ye nyami ligbi kɛ wo Yawɛ hɛ mi nyami.”

Mose II, 8:8

Kɛkɛ nɛ Farao ɔ, tsɛ Mose kɛ Aaron nɛ e de mɛ ke, “Nyɛ kpa Yawɛ pɛɛ nɛ e je ovɔnɔ ɔmɛ kɛ je i kɛ ye ma mi bi ɔmɛ wa nɔ, konɛ ma ha nyɛ we bi ɔmɛ nɛ a ho nɛ a ya sã bɔ ha Yawɛ.”

Mose II, 11:8

O tsɔli ɔmɛ tsuo ma ba kpla si ha mi, nɛ a ma kpa mi pɛɛ ma de ke, ‘Nyɛɛ ho, nyɛɛ kɛ nihi nɛ nyɛɛ nyɛ se ɔ tsuo.’ Lɔ ɔ se ɔ, ma je.” Nɛ Mose kɛ mi mi la nɛ nya wa je Farao ɔ hɛ mi.

Mose II, 10:29

Mose de lɛ ke, “Saminya! Kaa bɔ nɛ o de ɔ, o be imi hu ye hɛ mi nae hu gblegbleegble!”

Mose II, 8:25

Kɛkɛ nɛ Farao ɔ tsɛ Mose kɛ Aaron nɛ e de mɛ ke, “Nyɛɛ ya nɛ nyɛ ya sã bɔ ha nyɛ Mawu ɔ ngɛ zugba nɛ ɔ nɔ.”

Mose II, 11:1

Yawɛ de Mose ke, “E piɛ haomi kake nɛ i kɛ maa ba Farao ɔ kɛ Egipt nɔ, nɛ lɔ ɔ se ɔ, e ma ha nɛ nyɛɛ je. Ke be ɔ su nɛ e ma ha nɛ nyɛɛ ho ɔ, pe e maa fie nyɛ, nɛ e maa bɛɛ nyɛ kaa a bɛɛɔ dwɔmi.

Mose II, 12:39

Nɛ a ngɔ ma a nɛ a kɛ je Egipt ɔ kɛ sã abolo kplolo. A na we be nɛ a kɛ gbe ma a; niye ní hu a hoo we, ejakaa pe a fie mɛ kpatakpata kɛ je Egipt.

Samuel I, 6:6

Mɛni he je nyɛ maa kplii nyɛ tsui kaa bɔ nɛ Egipt bi ɔmɛ, kɛ Farao ɔ kplii a tsui ɔ? Nyɛ kai kaa Mawu kɛ Egipt bi ɔmɛ to ní wawɛɛ nitsɛ kɛ ya si be nɛ a ngmɛɛ Israel bi ɔmɛ a he nɛ a ho.