Mose II, 12:3 - BAIBLO ALOO NGMAMI KLƆUKLƆU Ɔ

³ Nyɛ de Israel ma a tsuo ke nyɔhiɔ nɛ ɔ ligbi nɛ ji nyɔngma a, nyumu tsuaa nyumu nɛ hla to bi kake, jijɔ, loo apletsi kɛ ha e we.

Mose II, 12:3 ပူးပေါင်းရင်းမြစ်များ

1 Korintobi 5:7

Nyɛ je yayami nɛ ngɛ kaa masa a kɛ je nyɛ kpɛti, konɛ nyɛɛ pee kaa ma kplolo nɛ masa be mi kaa bɔ nɛ i le nɛ nyɛ ngɛ anɔkuale mi ɔ. Ejakaa a ngɔ Kristo ngɔ sã bɔ ha wɔ kaa to bi nɛ a gbeɔ Hetsɔmi nyami be.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose III, 1:2

e de Israel bi ɔmɛ ke, a kpɛti nɔ tsuaa nɔ nɛ maa ngɔ lohwe nane eywiɛtsɛ kɛ maa sã bɔ ha lɛ, Yawɛ ɔ, e ngɔ na, loo to kɛ ba.

Yohane 12:12

E nɔ jena a, nimli kpekpemi ɔ nɛ ba nɛ a ba ye Hetsɔmi nyami ɔ nu kaa Yesu ma Yerusalem.

Yohane 1:36

e na Yesu nɛ bee. Kɛkɛ nɛ Yohane de ke, “Ne Mawu To Bi ɔ!”

Kronika II, 35:7

Matsɛ Yosia ke ma a nɛ ba bua ngɛ lejɛ ɔ lohwe nɛ ɔmɛ, konɛ nɔ tsuaa nɔ nɛ ye Hetsɔmi ɔ bɔ nɛ sa: jijɔ kɛ akpakpo akpe nyingmi etɛ, kɛ na ku akpe etɛ. Matsɛ ɔ nitsɛ lohwehi ji enɛ ɔmɛ tsuo.

Mose IV, 15:11

“Be tsuaa be nɛ nyɛ maa ngɔ na ku, aloo agbosu, aloo jijɔ bi, aloo apletsi bi kɛ ba sã bɔ ɔ, nɔ́ nɛ nyɛ kɛ piɛ he ji nɛ ɔ nɛ.

Mose II, 12:6

Nyɛɛ to lohwe ɔmɛ kɛ ya si nyɔhiɔ ɔ ligbi nɛ ji nyɔngma kɛ eywiɛ ɔ. Jamɛ a gbɔkuɛ ɔ ji be nɛ Israel ma a tsuo maa gbe to bi ɔmɛ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 4:30

Nɛ Aaron bɔ mɛ níhi tsuo nɛ Yawɛ de Mose ɔ, nɛ Mose pee okadi ɔmɛ kɛ tsɔɔ ma nimeli ɔmɛ.

Mose I, 22:8

Abraham he nɔ ke, “Ye bi, Mawu nitsɛ ma je jijɔ ha wɔ nɛ wa kɛ sã sami bɔ ɔ.” Kɛkɛ nɛ mɛ ni enyɔ ɔmɛ tsuo a tsa nyɛɛmi ɔ nɔ kɛ ho.

Mose I, 4:4

Habel hu ngɔ kekleekle bi nɛ e jijɔ ɔmɛ eko fɔ ɔ kɛ ba. E gbe lɛ, nɛ e kɛ lo ɔ hehi nɛ wo zɔ ɔ sã bɔ. Yawɛ bua jɔ Habel kɛ e bɔ ɔ he.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Samuel I, 7:9

Lɔ ɔ he ɔ, Samuel nu jijɔ bi nɛ ji nyɔ nya lolo nɛ e sã lɛ mluku ɔ tsuo kaa sami bɔ kɛ ha Yawɛ. Samuel kpa Yawɛ pɛɛ kɛ ha Israel, nɛ Yawɛ bu e kue fami ɔ tue.

Yoshua 7:14

Lɔ ɔ he ɔ, de ma a ke hwɔɔ mɔtu ɔ, a kɛ mɛ maa ba hiɛ ɔ wɛtso nya wɛtso nya. Wɛtso nɛ imi Yawɛ, ma tsɔɔ ɔ, a maa ba we puɔ nya we puɔ nya. We puɔ nya nɛ ma tsɔɔ ɔ, a maa ba weku nya weku nya. Weku nɛ ma tsɔɔ ɔ mi nyumu ɔmɛ maa ba kakaaka.

Mose II, 20:19

Nɛ a de Mose ke, “Mo nitsɛ o kɛ wɔ nɛ tu munyu nɛ waa nu; ko ha nɛ Mawu kɛ wɔ nɛ tu munyu nɛ wa ba gbo.”

Mose II, 14:15

Yawɛ bi Mose ke, “Mɛni he je o ngɛ ngmlaa kpae kɛ ngɛ mi tsɛe ɔ? De Israel bi ɔmɛ ke a ya a hɛ mi.

Yohane 12:1

Jehanɛ ɔ, benɛ e piɛ ligbi ekpa nɛ a maa ye Hetsɔmi ɔ, Yesu ba Betania, he nɛ Lazaro nɛ gbo nɛ Yesu tle lɛ si kɛ je gbeje ɔ ngɛ ɔ.

Mose II, 12:2

“Nyɔhiɔ nɛ ɔ maa pee kekleekle nyɔhiɔ ngɛ jeha a mi ha nyɛ.

Mose II, 12:4

Ke we ko mi bi a he pi nɛ a ma nyɛ to mluku kake maa ye ɔ, lɛɛ jamɛ a wetsɛ ɔ, kɛ wetsɛ nɛ we tsa e nɔ́ ɔ nɔ ɔ, a gbe kake ngɛ a hiɛmi nya, kɛ bɔ nɛ nɔ tsuaa nɔ ma nyɛ maa ye; a kane a yibɔ bɔ nɛ kake ɔ maa su mɛ.

Mose II, 12:21

Mose tsɛ Israel ma nimeli ɔmɛ tsuo kpe, nɛ e de mɛ ke, “Nyɛ ya hla jijɔhi nyɛɛ to we puɔ nya we puɔ nya, nɛ nyɛɛ gbe kɛ ha Hetsɔmi ɔ yemi.

Ezekiel 40:1

Benɛ a nuu wɔ kɛ ho ma se ya a we jeha nyingmi enyɔ kɛ enuɔne ɔ ji jeha nyɔngma kɛ eywiɛ pɛpɛɛpɛ nɛ a kpata Yerusalem ma a hɛ mi. Jeha he ɔ we ligbi nyɔngma a, Yawɛ he wami ba ye nɔ wawɛɛ, nɛ e ngɔ mi kɛ je.