Mose II, 12:29 - BAIBLO ALOO NGMAMI KLƆUKLƆU Ɔ

²⁹ Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.

Mose II, 12:29 ပူးပေါင်းရင်းမြစ်များ

La 78:51

E gbe bitɛtehi tsuo ngɛ we tsuaa we mi ngɛ Egipt zugba a nɔ.

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

La 135:8

Lɛ nɛ e gbe kekleekle bimɛ tsuo ngɛ Egipt, nimli adesahi a bimɛ, kɛ lohwehi a bimɛ.

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

La 136:10

Lɛ nɛ e gbe Egipt bi ɔmɛ a kekleekle bimɛ; ejakaa e suɔmi ɔ ngɛ kɛ yaa neneene!

Mose IV, 8:17

Ligbi ɔ nɛ i kpata Egipt bi ɔmɛ a kekleekle bimɛ ɔmɛ tsuo a hɛ mi ɔ, i tsukɔ Israel bi ɔmɛ lɛɛ a bitɛte ɔmɛ, kɛ a lohwe ɔmɛ hu a kekleekle bi ɔmɛ a he, nɛ i kɛ mɛ pee imi nitsɛ ye níhi.

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Hebribi 11:28

Hemi kɛ yemi lɛ Mose kɛ to Hetsɔmi ɔ sisi, nɛ e fã Israel bi ɔmɛ ke a ngɔ muɔ kɛ fĩa a sinya tso ɔmɛ a he, bɔ nɛ pee nɛ bɔfo nɛ kpataa nɔ hɛ mi ɔ ko ba gbe Israel bi ɔmɛ a bitɛte ɔmɛ.

Mose IV, 33:4

Jamɛ a be ɔ mi ɔ, Egipt bi ɔmɛ ngɛ a bitɛte ɔmɛ tsuo nɛ Yawɛ gbe kɛ pueɔ si ɔ pue. Yawɛ pee nɔ́ nɛ ɔ kɛ tsɔɔ kaa e he wa kulaa pe Egipt mawu ɔmɛ.

Mose II, 13:15

Benɛ Farao ɔ kplii e tsui nɛ e kplɛɛ we kaa waa ho ɔ, Yawɛ gbe Egipt kekleekle bimɛ tsuo; nimli a bitɛtehi, kɛ lohwehi a kekleekle bihi. Enɛ ɔ he ɔ, lohwe ku tsuaa lohwe ku nɛ bliɔ fɔmi nya a, i kɛ sãã bɔ ngɔ haa Yawɛ; se ye bitɛte ɔmɛ lɛɛ i danii mɛ.

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

Zakaria 9:11

Moo lɛɛ i ngɔ muɔ kɛ sã bɔ kɛ ma somi nɛ i kɛ mo so ɔ nɔ mi. Lɔ ɔ he ɔ, o bimɛ nɛ a nuu mɛ nyɔguɛ ɔ, ma jé mɛ kɛ je ma se he nɛ ngɛ kaa vu nɛ nyu be mi ɔ kɛ ba we.

Yeremia 38:13

kɛkɛ nɛ a kɛ tangme kpa gbla mi kɛ je vu ɔ mi, nɛ a ya wo mi tsu ngɛ matsɛ we ɔ kue ɔ mi.

Yeremia 38:6

Kɛkɛ nɛ a nu mi nɛ a kɛ kpa siu mi kɛ wo matsɛbinyumu ɔ nɛ a tsɛɛ lɛ Malkia a e vu mi ngɛ matsɛ we ɔ kue ɔ mi. Nyu be vu ɔ mi; mɔsɔ kɛkɛ lɛ ngɛ mi. Nɛ i pu ngɛ mɔsɔ ɔ mi.

Yesaya 51:14

E be kɛe kulaa nɛ nihi nɛ a wo mɛ tsu ɔ maa ye a he. A ma na a nya mi ngma bɔ nɛ sa, nɛ a se maa kɛ ngɛ je mi.

Yesaya 24:22

Mawu ma bua mɛ tsuo a nya kɛ wo muɔ voo mi kaa pamitsɛmɛ. E maa wo mɛ tsu ngɛ lejɛ ɔ hluu kɛ yaa su be nɛ a maa gbla a tue.

Hiob 34:20

Nɔmlɔ gboɔ tlukaa, Mawu fiaa nimli adesahi nɔ́ nyɔ mi kɛkɛ a hɛ mi kpata. Nimli nguahi po Mawu gbeɔ mɛ nɛ adesa nine be mi.

Mose II, 9:6

E nɔ jena a, Yawɛ pee kaa bɔ nɛ e de ɔ. Egipt bi ɔmɛ a lohwe ɔmɛ tsuo gbo; se Israel bi ɔmɛ a ní ɔmɛ lɛɛ kake ngmelu po gbo we.

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

La 78:50

E mi mi la a nya bɛ si; e ngɔɛ a he kɛ ki mɛ hulɔ. Se mohu e kɛ gbenɔ hiɔ kpata a hɛ mi.

Habakuk 3:5

E haa nɛ hiɔhi baa, nɛ gbenɔ nyɛɛɔ se.

Mose I, 15:14

Se jamɛ a je ma a nɛ maa wa mɛ yi mi ɔ, ma gbla a tue. Nyagbe ɔ, a maa muɔ jamɛ a zugba a nɔ ní babauu kɛ je.

Mose II, 11:1

Yawɛ de Mose ke, “E piɛ haomi kake nɛ i kɛ maa ba Farao ɔ kɛ Egipt nɔ, nɛ lɔ ɔ se ɔ, e ma ha nɛ nyɛɛ je. Ke be ɔ su nɛ e ma ha nɛ nyɛɛ ho ɔ, pe e maa fie nyɛ, nɛ e maa bɛɛ nyɛ kaa a bɛɛɔ dwɔmi.

Yesaya 41:11

“Hyɛ, nihi tsuo nɛ a mi mi fu mo ɔ, zo maa gbe mɛ, nɛ a hɛ mi ma pue si. Nihi nɛ kɛ mo ná a, a hɛ mi ma kpata pɛsɛpɛsɛ.