Mose II, 12:28 - BAIBLO ALOO NGMAMI KLƆUKLƆU Ɔ

²⁸ Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

Mose II, 12:28 ပူးပေါင်းရင်းမြစ်များ

Hebribi 11:28

Hemi kɛ yemi lɛ Mose kɛ to Hetsɔmi ɔ sisi, nɛ e fã Israel bi ɔmɛ ke a ngɔ muɔ kɛ fĩa a sinya tso ɔmɛ a he, bɔ nɛ pee nɛ bɔfo nɛ kpataa nɔ hɛ mi ɔ ko ba gbe Israel bi ɔmɛ a bitɛte ɔmɛ.

Mose II, 12:27

nyɛ de mɛ ke, ‘Yawɛ Hetsɔmi ɔ bɔ sami ɔ ji nɛ ɔ nɛ; ejakaa e tsɔ Israel bi ɔmɛ a he ngɛ Egipt. E gbe Egipt bi ɔmɛ, se wɔɔ lɛɛ e ha wa yi na wami.’ ” Kɛkɛ nɛ ni ɔmɛ ma a yi si nɛ a ja Mawu.

Mose II, 12:29

Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.

Mose II, 7:6

Mose kɛ Aaron bu Yawɛ tue, nɛ a pee kaa bɔ nɛ e de mɛ ke a pee ɔ.

Mose II, 7:10

Kɛkɛ nɛ Mose kɛ Aaron je kɛ ho Farao ɔ ngɔ ya, nɛ a ya pee kaa bɔ nɛ Yawɛ fa mɛ ɔ. Aaron sake e tso ɔ ngɔ fɔ zugba ngɛ Farao ɔ kɛ e tsɔli ɔmɛ a hɛ mi; nɛ e plɛ pee sinɔ.

Mose II, 12:35

Israel bi ɔmɛ pee kaa bɔ nɛ Mose de mɛ ɔ; a ya ba june ní, sika hiɔ, sika tsu, kɛ bohi ngɛ Egipt bi ɔmɛ a dɛ.

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose II, 36:1

“Bezalel, Oholiab, kɛ nɔ tsuaa nɔ nɛ Yawɛ dloo lɛ ga ní tsumi he juɛmi, kɛ nile nɛ a kɛ ma tsu he klɔuklɔu ɔ mami ní tsumi ɔ, mɛ tsuo pɛpɛɛpɛ a ba nɛ a ba tsu ní ɔ kaa bɔ nɛ Yawɛ fa mɛ ɔ.”

Mose II, 39:32

Jehanɛ ɔ, a gbe kpe he bo tsu ɔ he ní tsumi ɔ tsuo pɛpɛɛpɛ nya. Israel bi ɔmɛ tsu ní ɔ pɛpɛɛpɛ kaa bɔ nɛ Yawɛ fa Mose ɔ.

Mose II, 39:42

Israel bi ɔmɛ tsu ní tsumi ɔ tsuo kaa bɔ nɛ Yawɛ fa Mose ɔ pɛpɛɛpɛ.

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Mose III, 24:23

Benɛ Mose kɛ Israel ma a tu munyu nɛ ɔ gbe nya a, a ngɔ nyumu ɔ nɛ bɔ musu ɔ kɛ je ma sito he ɔ, nɛ a ya fia lɛ tɛ nɛ e gbo. Bɔ nɛ Yawɛ fa Mose ɔ, ja pɛpɛɛpɛ Israel ma a pee ɔ nɛ.

Mose IV, 1:54

Israel ma a pee kaa bɔ nɛ Yawɛ fa Mose ke e pee ɔ.

Mose IV, 5:4

Israel bi ɔmɛ pee kaa bɔ nɛ Yawɛ fa Mose ɔ, nɛ a fie jamɛatsɛmɛ ɔmɛ kɛ je ma sito he ɔ.

Mose IV, 31:31

Mose kɛ osɔfo Eleazar pee bɔ nɛ Yawɛ fa Mose ɔ.

Mose IV, 31:41

Nɛ kaa bɔ nɛ Yawɛ fa Mose ɔ, Mose ngɔ nimli ɔmɛ, kɛ lohwe ɔmɛ nɛ a tsu ɔ ngɔ ha osɔfo Eleazar kaa nike ní klɛdɛɛ ko ha Yawɛ.

Mose IV, 31:47

Mose ngɔ nimli, kɛ lohwe nyingmi enuɔ tsuaa nyingmi enuɔ mi kakaaka kɛ je fa a nɛ ji Israel ma a nɔ ɔ mi kɛ ha Levi bi ɔmɛ nɛ tsuɔ Yawɛ kpe he ɔ he ní ɔ, kaa bɔ nɛ Yawɛ fa lɛ ɔ.

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Yoshua 2:21

Yo ɔ he nɔ ke, “Ma pee bɔ nɛ nyɛ de ɔ.” Kɛkɛ nɛ e wo slaali ɔmɛ blɔ nɛ a ho. Lɔ ɔ se ɔ, e ngɔ kpa tsu ɔ nɛ e fi kɛ wo saflɛ ɔ he.

Yoshua 4:8

Kaa bɔ nɛ Yawɛ de Yoshua a, Israel bi ɔmɛ tloo tɛ nyɔngma kɛ enyɔ, wɛtso tsuaa wɛtso nɔ́ kake, kɛ je Yordan pa a mi kɛ ba he nɛ ma a to si ngɛ ɔ.

Yoshua 14:5

Israel bi ɔmɛ dla zugba a kaa bɔ nɛ Yawɛ fa Mose ɔ.

Samuel II, 5:25

David pee kaa bɔ nɛ Yawɛ fa lɛ ɔ; nɛ e kpata Filisti bi ɔmɛ a hɛ mi kɛ je Geba kɛ ya si Gezer tɔɔ.

Matsɛmɛ I, 17:5

Eliya bu Yawɛ munyu ɔ tue, nɛ e ho ya hi Kerit pa a nya.