Mose II, 12:27 - BAIBLO ALOO NGMAMI KLƆUKLƆU Ɔ

²⁷ nyɛ de mɛ ke, ‘Yawɛ Hetsɔmi ɔ bɔ sami ɔ ji nɛ ɔ nɛ; ejakaa e tsɔ Israel bi ɔmɛ a he ngɛ Egipt. E gbe Egipt bi ɔmɛ, se wɔɔ lɛɛ e ha wa yi na wami.’ ” Kɛkɛ nɛ ni ɔmɛ ma a yi si nɛ a ja Mawu.

Mose II, 12:27 ပူးပေါင်းရင်းမြစ်များ

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Mose II, 12:11

Nyɛɛ ye ní ɔ kaa blɔ hiali. Nyɛɛ fi nyɛ kpɛti; nyɛ tokota nɛ hi nyɛ nane; nyɛ dɛma tso nɛ hi nyɛ dɛ mi, nɛ nyɛɛ ye ní ɔ esɔesɔ; ejakaa Hetsɔmi nyami ligbi kɛ ha imi, Yawɛ ji nɛ ɔ nɛ.

1 Korintobi 5:7

Nyɛ je yayami nɛ ngɛ kaa masa a kɛ je nyɛ kpɛti, konɛ nyɛɛ pee kaa ma kplolo nɛ masa be mi kaa bɔ nɛ i le nɛ nyɛ ngɛ anɔkuale mi ɔ. Ejakaa a ngɔ Kristo ngɔ sã bɔ ha wɔ kaa to bi nɛ a gbeɔ Hetsɔmi nyami be.

Mose II, 12:23

ejakaa Yawɛ ma ba gu ma a mi kɛ be nɛ e ya gbe Egipt bi ɔmɛ. Se ke e na muɔ ɔ ngɛ sinya tso ɔmɛ a he ɔ, e maa tsɔ sinya a he kɛ be, nɛ e be hae nɛ gbenɔ bɔfo ɔ nɛ ji nɔ hɛ mi kpatalɔ ɔ maa sɛ nyɛ we ɔmɛ a mi nɛ e ba gbe nyɛ.

Nehemia 8:6

Jehanɛ Ezra de ke, “Nyɛ je Yawɛ Mawu kpetekpleenyɛ ɔ yi!” Ma a tsuo wo a nine nɔ nɛ a he nɔ ke, “Amen! Amen”. Kɛkɛ nɛ a kpla si nɛ a kɛ a hɛ mi bu si nɛ a ja Yawɛ.

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Kronika II, 20:18

Kɛkɛ nɛ Matsɛ Yehoshafat kpla si nɛ e kɛ e hɛ mi bu si, nɛ ma a tsuo pee ja, nɛ a kɛ lɛ ja Yawɛ.

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Mose V, 16:5

“Nyɛɛ gbe lohwe nɛ a kɛ maa ye Hetsɔmi ɔ ngɛ he nɛ Yawɛ, nyɛ Mawu ɔ to nɛ a ja lɛ ngɛ ɔ pɛ; nyɛ ko gbe ngɛ he saisaa ngɛ zugba a nɛ Yawɛ, nyɛ Mawu ɔ ngɔ ha nyɛ kaa nyɛɛ hi nɔ ɔ nɔ. Nyɛ tsu nɔ́ nɛ ɔ gbɔkuɛ nya si be nɛ pu yaa nɔ si ejakaa jamɛ a be mi nɛ nyɛ je Egipt ɔ nɛ.

Mose V, 16:2

Nyɛɛ ya he nɛ Yawɛ, nyɛ Mawu ɔ to nɛ a ja lɛ Mawu ngɛ ɔ, nɛ nyɛ ya gbe nyɛ to, loo na amɛ eko kɛ ye Hetsɔmi ɔ kɛ wo Yawɛ, nyɛ Mawu ɔ hɛ mi nyami.

Mose II, 34:25

“Koo ngɔ abolo nɛ a kɛ masa sã a ngɔ piɛ lohwe nɛ o kɛ ngɛ bɔ sãe ha mi ɔ he. Lohwe nɛ a gbe Hetsɔmi nyami be ɔ hu, je nɛ ko na yi.

Mose II, 34:8

Mose kɛ he sɔmi kpla si nɛ e ja Mawu.

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

La 44:1

Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.

Mose II, 13:8

Jamɛ a ligbi ɔ, nyɛ ma de nyɛ bimɛ ɔmɛ ke nɔ́ nɛ Yawɛ pee ha wɔ be nɛ wa hia kɛ je Egipt zugba a nɔ ɔ he je nɛ wa ngɛ nɔ́ nɛ ɔ pee ɔ nɛ.

La 78:5

E ha Israel bi ɔmɛ mlaa; ee, e ngɔ e munyu ɔ kɛ ha Yakob nina a. E fa wa nɛmɛ ɔmɛ ke a tsɔɔ a bimɛ ɔmɛ mlaa a,