Mose II, 12:2 - BAIBLO ALOO NGMAMI KLƆUKLƆU Ɔ

² “Nyɔhiɔ nɛ ɔ maa pee kekleekle nyɔhiɔ ngɛ jeha a mi ha nyɛ.

Mose II, 12:2 ပူးပေါင်းရင်းမြစ်များ

Mose II, 13:4

Mwɔnɛ ligbi nɛ ɔ, nyɛ ngɛ hiae kɛ ngɛ Egipt jee ngɛ kekleekle nyɔhiɔ, Abib ɔ mi.

Mose V, 16:1

“Nyɛɛ ye Hetsɔmi nyami be ɔ ngɛ nyɔhiɔ nɛ a tsɛɛ Abib ɔ mi kɛ wo Yawɛ, nyɛ Mawu ɔ hɛ mi nyami. Nyɔ ko mi ngɛ jamɛ a nyɔhiɔ ɔ mi nɛ e kpɔ̃ nyɛ kɛ je Egipt ɔ nɛ.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose IV, 28:16

“Kekleekle nyɔhiɔ ɔ we ligbi nɛ ji nyɔngma kɛ eywiɛ ɔ ji Yawɛ Hetsɔmi nyami be ɔ nɛ.

Mose III, 23:5

Kekleekle nyɔhiɔ ɔ we ligbi nyɔngma kɛ eywiɛne ɔ gbɔkuɛ ji Hetsɔmi ɔ nɛ a kɛ woɔ Yawɛ hɛ mi nyami ɔ sisije.

Ester 3:7

Matsɛ Ahasuerus tsɛ yemi be ɔ mi jeha nyɔngma kɛ enyɔne ɔ we kekleekle nyɔhiɔ nɛ a tsɛɛ Nisan ɔ, Haman fa ke a fɔ sɔ, konɛ a kɛ na ligbi nɔ, kɛ nyɔhiɔ mi nɛ sa kaa a tsu nɔ́ nɛ e to ga kaa a pee ɔ. Sɔ ɔ tsɔɔ kaa nyɔhiɔ nyɔngma kɛ enyɔne ɔ nɛ a tsɛɛ Adar a we ligbi nyɔngma kɛ etɛ ɔ ji be nɛ sa; lɔ ɔ he ɔ, a ngɔ jamɛ a ligbi ɔ. (A tsɛɛ sɔ fɔmi ngɛ Hebri gbi mi ke “Purim”.)

Mose II, 12:1

Yawɛ de Mose kɛ Aaron ngɛ Egipt zugba a nɔ ke,

Mose II, 12:3

Nyɛ de Israel ma a tsuo ke nyɔhiɔ nɛ ɔ ligbi nɛ ji nyɔngma a, nyumu tsuaa nyumu nɛ hla to bi kake, jijɔ, loo apletsi kɛ ha e we.

Mose II, 12:18

Nyɛ bɔni abolo kplolo yemi kɛ je kekleekle nyɔhiɔ ɔ ligbi nyɔngma kɛ eywiɛ ɔ gbɔkuɛ kɛ yaa si nyɔhiɔ ɔ ligbi nɛ ji nyingmi enyɔ kɛ kake ɔ gbɔkuɛ nya si.

Ezekiel 45:18

Nyɔmtsɛ Yawɛ ke, “Kekleekle nyɔhiɔ ɔ we kekleekle ligbi ɔ, ngɔɔ na niheyo nɛ kpa ko be e he nɛ o kɛ tsukɔ Yawɛ we ɔ he.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 40:17

Lɔ ɔ he ɔ, a we Egipt jemi jeha nɛ ji enyɔ ɔ kekleekle nyɔhiɔ ɔ kekleekle ligbi ɔ, a ma kpe he bo tsu ɔ si.

Ezekiel 45:21

“Kekleekle nyɔhiɔ ɔ we ligbi nyɔngma kɛ eywiɛne ɔ, nyɛ bɔni Hetsɔmi nyami be ɔ yemi. Nyɛɛ ye abolo kplolo ligbi kpaago.