Mose II, 12:17 - BAIBLO ALOO NGMAMI KLƆUKLƆU Ɔ

¹⁷ Nyɛɛ ye Abolokplolo nyami be ɔ; ejakaa jamɛ a ligbi ɔ nɔ nɔuu nɛ i je nyɛ ma a wɛtso nya wɛtso nya kɛ je Egipt zugba a nɔ ɔ nɛ. Lɔ ɔ he ɔ, nyɛɛ ye ligbi nɛ ɔ, nɛ e pee nɔ́ ko nɛ fɔɔ si kaa mlaa ha nyɛɛ kɛ nyɛ nina kɛ maa ya neneene.

Mose II, 12:17 ပူးပေါင်းရင်းမြစ်များ

Mose II, 13:8

Jamɛ a ligbi ɔ, nyɛ ma de nyɛ bimɛ ɔmɛ ke nɔ́ nɛ Yawɛ pee ha wɔ be nɛ wa hia kɛ je Egipt zugba a nɔ ɔ he je nɛ wa ngɛ nɔ́ nɛ ɔ pee ɔ nɛ.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.

Mose II, 7:5

Ke i pee ní nɛ ɔmɛ loko Egipt bi ɔmɛ maa le kaa imi ji Yawɛ.”

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Mose II, 6:26

Aaron kɛ Mose nɛ ɔ ji nihi nɛ Yawɛ de mɛ ke a ya nɛ a ya kpaka Israel ma kpekpemi ɔ kɛ je Egipt zugba a nɔ kɛ ba a nɛ.

Mose II, 12:6

Nyɛɛ to lohwe ɔmɛ kɛ ya si nyɔhiɔ ɔ ligbi nɛ ji nyɔngma kɛ eywiɛ ɔ. Jamɛ a gbɔkuɛ ɔ ji be nɛ Israel ma a tsuo maa gbe to bi ɔmɛ.

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose II, 12:24

Nyɛ maa ye blɔ nya tomi nɛ ɔ nɔ kaa mlaa nɛ fɔɔ si ha nyɛɛ kɛ nyɛ bimɛ kɛ yaa neneene.

Mose II, 13:10

Lɔ ɔ he ɔ, nyɛɛ pee kusumi nɛ ɔ daa jeha be nɛ a to ɔ.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.