Mose II, 12:16 - BAIBLO ALOO NGMAMI KLƆUKLƆU Ɔ

¹⁶ Kekleekle ligbi ɔ, kɛ ligbi nɛ ji kpaago ɔ, nyɛɛ bɔ gua nɛ nyɛ ja Yawɛ. A ko tsu nɔ́ ko jamɛ a ligbi enyɔ ɔmɛ; ní nɛ nɔ maa ye pɛ nɛ nyɛ maa hoo.

Mose II, 12:16 ပူးပေါင်းရင်းမြစ်များ

Mose IV, 28:18

Kekleekle ligbi ɔ, a bua he nya nɛ a ja Mawu; se a ko tsu ní tsumi ko nɛ he wa.

Mose IV, 28:25

Ligbi nɛ ji kpaago ɔ, nyɛ bua nyɛ he nya, nɛ nyɛ ja Mawu; nyɛ ko tsu ní tsumi ko nɛ he wa.

Mose II, 16:23

Mose de mɛ ke, “Bɔ nɛ Yawɛ de ji nɛ ɔ nɛ: ‘Hwɔɔ ji he jɔɔmi ligbi, Yawɛ Hejɔɔmi ligbi klɔuklɔu. Nyɛɛ sã nɔ́ tsuaa nɔ́ nɛ nyɛ ngɛ sami, nɛ nyɛɛ hoo nɔ́ tsuaa nɔ́ nɛ nyɛ ngɛ hoomi, nɛ nɔ́ nɛ maa piɛ ngɛ se ɔ, nyɛ ngɔ to si kɛ yaa si mɔtu.’ ”

Mose IV, 29:12

“Nyɔhiɔ nɛ ji kpaago ɔ we ligbi nɛ ji nyɔngma kɛ enuɔ ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa, se mohu nyɛɛ ye nyami be nɛ ɔ ligbi kpaago nɛ nyɛ kɛ wo Yawɛ hɛ mi nyami.

Mose IV, 29:1

Nyɔhiɔ nɛ ji kpaago ɔ we kekleekle ligbi ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa. Jamɛ a ligbi ɔ, nyɛ kpa titimati ɔmɛ,

Mose III, 23:35

Kekleekle ligbi ɔ, nyɛ bua nyɛ he nya, nɛ nyɛ ja Mawu. Nyɛ ko tsu ní tsumi kpakpataa ko jamɛ a ligbi ɔ.

Mose III, 23:27

nyɔhiɔ kpaagone ɔ we ligbi nɛ ji nyɔngma a ji kpatami ligbi ɔ nɛ. Jamɛ a ligbi ɔ, nyɛɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛɛ sã bɔ nɛ a kɛ la sãã ha Yawɛ.

Mose III, 23:21

Jamɛ a ligbi ɔ, nɔ ko nɔ ko kó tsu ní tsumi kpakpataa ko, se nyɛ bua nyɛ he nya, nɛ nyɛ ja Mawu. Enɛ ɔ ji mlaa nɛ maa fɔ si kɛ maa ya neneene ha nyɛ yi nɔ ɔmɛ tsuo pɛpɛɛpɛ ngɛ nyɛ sihi he ɔmɛ tsuo.

Mose II, 20:10

Ligbi nɛ ji kpaago ɔ ji Yawɛ, o Mawu ɔ Hejɔɔmi ligbi. Jamɛ a ligbi ɔ, ko tsu nɔ́ ko kulaa; mo nitsɛ jio, o binyumu jio, o biyo jio, o tsɔlɔ nyumu jio, o mawayo jio, o lohwe jio, nubwɔ nɛ ngɛ o ma a mi jio;

Mose II, 16:29

Nyɛɛ hyɛ, imi Yawɛ, i ha nyɛ Hejɔɔmi ligbi; nɛ lɔ ɔ he ɔ, ligbi nɛ ji ekpa a nɔ ɔ, i haa nyɛ ligbi enyɔ nya ní. Nɔ tsuaa nɔ nɛ hi si ngɛ he nɛ e ngɛ; nɔ ko nɔ ko kó je kpo kɛ ya he ko ngɛ ligbi nɛ ji kpaago ɔ nɔ.”

Mose II, 16:5

Ligbi nɛ ji ekpa a lɛɛ a bua ligbi enyɔ yeye nya, nɛ a dla kɛ to.”

Yohane 19:31

Enɛ ɔ se ɔ, Yuda ma nimeli ɔmɛ ya na Pilato kaa e ngmɛ mɛ blɔ nɛ a ku nihi nɛ a gbe ɔ a nanehi, nɛ a je mɛ kɛ je sɛumi tso ɔ nɔ. Jamɛ a ligbi ɔ nɛ a dlaa he kɛ haa Hetsɔmi ɔ, lɔ ɔ he ɔ, a sume nɛ gbogboe ɔmɛ nɛ a hi sɛumi tso nɔ kɛ yaa si Hejɔɔmi ligbi ɔ, ejakaa Hejɔɔmi ligbi nguaa nitsɛ lɛ ngɛ a hɛ mi.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose V, 16:8

Nyɛɛ ye abolo kplolo ligbi ekpa, nɛ ligbi nɛ ji kpaago ɔ, nyɛ bua nyɛ he nya kɛ ja Yawɛ, nyɛ Mawu ɔ; nyɛ ko tsu ní tsumi ko jamɛ a ligbi ɔ.

Yesaya 1:13

Se nami ko be he kaa nyɛ maa ngɔ nyɛ bɔ ɔmɛ kɛ ba hu. Nyɛ tsopa kɛ e he via nɛ nyɛ ngɛ sãe ɔ ngɛ fu jee kɛ ngɛ mi woe. I hla we nyɛ Nyɔhiɔhe nyami be ɔmɛ, nyɛ Hejɔɔmi ligbi ɔmɛ, kɛ behi nɛ nyɛ peeɔ kpe kɛ jaa imi, nyɛ Mawu ɔ hu; yayamihi nɛ nyɛ ngɛ pee ɔ puɛ enɛ ɔmɛ tsuo.

Mose IV, 28:26

“Ngmakpami nyami be kekleekle ligbi ɔ, benɛ nyɛ maa ngɔ ngma he kɛ ba sã bɔ ha Yawɛ ɔ, nyɛ bua nyɛ he nya, nɛ nyɛ ja Mawu; nyɛ ko tsu ní tsumi ko nɛ he wa.