Mose II, 12:15 - BAIBLO ALOO NGMAMI KLƆUKLƆU Ɔ

¹⁵ “Kɛ je kekleekle ligbi ɔ kɛ yaa si ligbi nɛ ji kpaago ɔ, nyɛɛ ye abolo kplolo. Nyɛ kpa masa peemi ngɛ we ɔmɛ a mi kɛ je kekleekle ligbi ɔ. Mo nɔ nɛ o maa ye masa nɔ́ ko ɔ, a ma je mo we kɛ je Israel.

Mose II, 12:15 ပူးပေါင်းရင်းမြစ်များ

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.

Mose I, 17:14

Nyumu tsuaa nyumu nɛ a pui lɛ ɔ, a je lɛ we nɛ a ko bu lɛ ngɔ piɛ ye ma mi bi ɔmɛ a he hu, ejakaa e yi ye somi ɔ nɔ.”

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose V, 16:8

Nyɛɛ ye abolo kplolo ligbi ekpa, nɛ ligbi nɛ ji kpaago ɔ, nyɛ bua nyɛ he nya kɛ ja Yawɛ, nyɛ Mawu ɔ; nyɛ ko tsu ní tsumi ko jamɛ a ligbi ɔ.

Mose IV, 28:17

Kikɛmɛ a nyɔhiɔ nɛ ɔ nɔuu we ligbi nɛ ji nyɔngma kɛ enuɔ ɔ, nyɛ maa je nyami be nguaa ko yemi sisi; nɛ a maa ye lɛ otsi sɔuu. A ye abolo kplolo pɛ jamɛ a otsi ɔ.

Mose II, 34:25

“Koo ngɔ abolo nɛ a kɛ masa sã a ngɔ piɛ lohwe nɛ o kɛ ngɛ bɔ sãe ha mi ɔ he. Lohwe nɛ a gbe Hetsɔmi nyami be ɔ hu, je nɛ ko na yi.

Mose II, 12:8

A sã lo ɔ, nɛ a ye lɛ kɛ agba pui, kɛ abolo kplolo jamɛ a nyɔ ɔ mi nɔuu.

Galatabi 5:12

Nihi nɛ ngɛ nyɛ tue puɛe kikɛ nɛ ɔ, i na nɛ a puɛ mɛ, loo a ta mɛ nitsɛmɛ a he kɛkɛ nɛ e jɔ!

Ni Tsumi 12:3

Benɛ e na kaa e ngɔ Yuda bi ɔmɛ a nya a, e ya nɔ nɛ e ha nɛ a nu Petro. (Abolokplolo nyami be mi nɛ e tsu kikɛmɛ a ní nɛ ɔ).

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Mateo 16:12

Jehanɛ lɛɛ kaseli ɔmɛ ba kɔ se kaa pi masa nɛ a kɛ woɔ abolo mi ɔ he nɛ e de mɛ ke a hɛ nɛ hi a he nɔ ɔ, se mohu, Farisi bi ɔmɛ, kɛ Saduki bi ɔmɛ a tsɔɔmi ɔ he.

Malaki 2:12

Nɔ tsuaa nɔ nɛ tsuɔ kikɛmɛ a ní nɛ ɔ, Yawɛ nɛ je lɛ kɛ je Israel bi ɔmɛ a kpɛti. A ko ngmɛ lɛ blɔ nɛ e ngɔ nike ní kɛ ba Yawɛ Tabohiatsɛ ɔ hɛ mi hu gblegbleegble.

Mose V, 16:5

“Nyɛɛ gbe lohwe nɛ a kɛ maa ye Hetsɔmi ɔ ngɛ he nɛ Yawɛ, nyɛ Mawu ɔ to nɛ a ja lɛ ngɛ ɔ pɛ; nyɛ ko gbe ngɛ he saisaa ngɛ zugba a nɛ Yawɛ, nyɛ Mawu ɔ ngɔ ha nyɛ kaa nyɛɛ hi nɔ ɔ nɔ. Nyɛ tsu nɔ́ nɛ ɔ gbɔkuɛ nya si be nɛ pu yaa nɔ si ejakaa jamɛ a be mi nɛ nyɛ je Egipt ɔ nɛ.

Mose III, 17:14

Ejakaa muɔ ji nɔ́ nɛ haa he lo tsuaa he lo wami. Lɔ ɔ he nɛ Yawɛ de Israel bi ɔmɛ ke a ko ye muɔ ɔ nɛ. Nɔ tsuaa nɔ nɛ maa pee ja a, á je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose III, 17:10

Ke Israel fɔfɔɛ ko, aloo nɔ ko nɛ ba to nyɛ nubwɔ ye muɔ ɔ, ye hɛ maa dɔ kɛ wo jamɛ a nɔ ɔ. Ma je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose II, 31:14

Lɔ ɔ he ɔ, nyɛɛ ye Hejɔɔmi ligbi ɔ, ejakaa e ji ligbi klɔuklɔu. Nɔ tsuaa nɔ nɛ ma ble Hejɔɔmi ligbi ɔ, a gbe lɛ; nɛ nɔ tsuaa nɔ nɛ ma tsu ní Hejɔɔmi ligbi ɔ, a je jamɛ a nɔ ɔ we, nɛ a ko bu lɛ ngɔ si ye ma mi bi ɔmɛ a nɔ hu.

Luka 2:43

Benɛ nyami be ɔ nya ta, nɛ Yosef, kɛ Maria kpale a se kɛ yaa Nazaret ɔ, a li tete kaa jokuɛ Yesu ɔ tlɔ Yerusalem.

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Kronika II, 30:21

Israel bi nɛ bua a he nya ngɛ Yerusalem ɔ ye Abolokplolo nyami be ɔ ligbi kpaago sɔuu kɛ bua jɔmi nɛ nya wa. Daa ligbi ɔ, Levi bi ɔmɛ, kɛ osɔfo ɔmɛ fiaa kpa saku, nɛ a laa kɛ jeɔ Yawɛ yi kɛ a tsui tsuo.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 30:38

Nɔ tsuaa nɔ nɛ maa pee nu nɛ ɔ eko nɛ e ma kpa a, a je lɛ we, nɛ a ko bu lɛ ngɔ si ye ma mi bi ɔmɛ a nɔ hu.”