Mose II, 12:14 - BAIBLO ALOO NGMAMI KLƆUKLƆU Ɔ

¹⁴ Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose II, 12:14 ပူးပေါင်းရင်းမြစ်များ

Matsɛmɛ II, 23:21

Matsɛ Yosia fa ma a tsuo ke, “Nyɛɛ ye Hetsɔmi ɔ nɛ nyɛ kɛ wo Yawɛ, nyɛ Mawu ɔ hɛ mi nyami kaa bɔ nɛ a ngma ngɛ mlaa womi nɛ ɔ mi ɔ.”

Mose II, 12:24

Nyɛ maa ye blɔ nya tomi nɛ ɔ nɔ kaa mlaa nɛ fɔɔ si ha nyɛɛ kɛ nyɛ bimɛ kɛ yaa neneene.

Mose II, 12:17

Nyɛɛ ye Abolokplolo nyami be ɔ; ejakaa jamɛ a ligbi ɔ nɔ nɔuu nɛ i je nyɛ ma a wɛtso nya wɛtso nya kɛ je Egipt zugba a nɔ ɔ nɛ. Lɔ ɔ he ɔ, nyɛɛ ye ligbi nɛ ɔ, nɛ e pee nɔ́ ko nɛ fɔɔ si kaa mlaa ha nyɛɛ kɛ nyɛ nina kɛ maa ya neneene.

Mose II, 12:43

Yawɛ de Mose kɛ Aaron ke, “Hetsɔmi nyami be ɔ he mlaahi ji nɛ ɔmɛ nɛ: ma je no ko ma je no ko kó ye Hetsɔmi niye ní ɔ.

Mateo 26:13

Niinɛ, i ngɛ nyɛ dee ke, je nɛ ɔ mi he tsuaa he nɛ a maa fiɛ sane kpakpa nɛ ɔ ngɛ ɔ, a maa sɛɛ nɔ́ nɛ yo nɛ ɔ pee nɛ ɔ hu kɛ kai lɛ.”

La 135:13

Yawɛ, o biɛ ngɛ kɛ yaa neneene; Yawɛ, yi nɔhi tsuo ma kai mo.

La 111:4

Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 16:1

“Nyɛɛ ye Hetsɔmi nyami be ɔ ngɛ nyɔhiɔ nɛ a tsɛɛ Abib ɔ mi kɛ wo Yawɛ, nyɛ Mawu ɔ hɛ mi nyami. Nyɔ ko mi ngɛ jamɛ a nyɔhiɔ ɔ mi nɛ e kpɔ̃ nyɛ kɛ je Egipt ɔ nɛ.

Mose II, 5:1

Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Luka 22:19

Jehanɛ ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ, nɛ e de ke, “Enɛ ɔ ji ye nɔmlɔ tso [nɛ a ngɔ sã bɔ ha Mawu ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Zakaria 6:14

A kɛ matsɛ pɛɛ nɛ ɔ maa to Yawɛ we ɔ mi kɛ kai Heldai, Tobiya, Yedaya, kɛ Zefania bi Yosia tsuo.”

Ezekiel 46:14

E ngɔ niye ní nɛ ɔmɛ kɛ piɛ he daa mɔtu kɛ sã bɔ ha imi Yawɛ: mamu kilo enyɔ, kɛ oliv nu lita kake nɛ e kɛ pɔtɔ mamu ɔ. Blɔ nya tomi nɛ kɔɔ bɔ sami nɛ ɔ he ɔ, á ye nɔ daa.

Samuel I, 30:25

David pee nɔ́ nɛ ɔ mlaa, nɛ a ngɛ nɔ yee ngɛ Israel kɛ je jamɛ a be ɔ kɛ ba si mwɔnɛ ɔ.

Yoshua 4:7

nyɛ de mɛ ke, ‘Benɛ a kɛ Yawɛ somi daka a po Yordan pa a, nyu ɔ se po.’ Tɛ nɛ ɔmɛ ma kai Israel ma a daa nɛ nɔ́ nɛ Mawu tsu ha mɛ ngɛ hiɛ ɔ.”

Mose IV, 18:8

Yawɛ de Aaron ke, “O nɛ, imi nitsɛ i ngɔ Israel bi ɔmɛ a nike ní klɛdɛɛ ɔ nɛ a kɛ ba ha mi ɔ kɛ ngɛ o dɛ woe. I ngɔ mɛ kɛ ngɛ mo, kɛ o bimɛ tsuo hae kaa nyɛ blɔ nya nɛ fɔɔ si kɛ yaa neneene.

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose IV, 10:8

Aaron bimɛ ɔmɛ, nɛ ji osɔfo ɔmɛ ji ni nɛmɛ nɛ ma kpa titimati ɔmɛ. “Mlaa nɛ maa fɔ si kɛ ha yi nɔhi tsuo pɛpɛɛpɛ kɛ yaa neneene ji nɛ ɔ nɛ.

Mose II, 12:6

Nyɛɛ to lohwe ɔmɛ kɛ ya si nyɔhiɔ ɔ ligbi nɛ ji nyɔngma kɛ eywiɛ ɔ. Jamɛ a gbɔkuɛ ɔ ji be nɛ Israel ma a tsuo maa gbe to bi ɔmɛ.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose III, 23:6

Jamɛ a nyɔhiɔ ɔ nɔuu we ligbi nyɔngma kɛ enuɔne ɔ ji Abolokplolo nyami be ɔ sisije ɔ nɛ. Nyɛɛ ye abolo kplolo ligbi kpaago.

Mose V, 6:8

Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose IV, 15:15

Mlaa kake too maa pee mlaa ha ma a, kɛ nibwɔhi nɛ ngɛ nyɛ kpɛti ɔ kɛ yaa neneene. Ngɛ Yawɛ hɛ mi ɔ,