Mose II, 12:13 - BAIBLO ALOO NGMAMI KLƆUKLƆU Ɔ

¹³ Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Mose II, 12:13 ပူးပေါင်းရင်းမြစ်များ

Hebribi 11:28

Hemi kɛ yemi lɛ Mose kɛ to Hetsɔmi ɔ sisi, nɛ e fã Israel bi ɔmɛ ke a ngɔ muɔ kɛ fĩa a sinya tso ɔmɛ a he, bɔ nɛ pee nɛ bɔfo nɛ kpataa nɔ hɛ mi ɔ ko ba gbe Israel bi ɔmɛ a bitɛte ɔmɛ.

Mose II, 12:23

ejakaa Yawɛ ma ba gu ma a mi kɛ be nɛ e ya gbe Egipt bi ɔmɛ. Se ke e na muɔ ɔ ngɛ sinya tso ɔmɛ a he ɔ, e maa tsɔ sinya a he kɛ be, nɛ e be hae nɛ gbenɔ bɔfo ɔ nɛ ji nɔ hɛ mi kpatalɔ ɔ maa sɛ nyɛ we ɔmɛ a mi nɛ e ba gbe nyɛ.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Mose I, 17:11

Kɛ je mwɔnɛ ɔ kɛ yaa a, binyumuyo tsuaa binyumuyo nɛ ye ligbi kpaanyɔ ɔ, a po lɛ: nyɔguɛhi nɛ a fɔ mɛ ngɛ nyɛ we ɔmɛ a mi jio, ni nɛmɛ nɛ a he mɛ ngɛ nibwɔhi a dɛ jio. Enɛ ɔ maa tsɔɔ kaa somi ko ngɛ i kɛ nyɛ wa kpɛti.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

Yoshua 2:12

Lɔ ɔ he ɔ, nyɛ ka mi kita ngɛ Yawɛ biɛ mi kaa bɔ nɛ i pee nyɛ kpakpa nɛ ɔ, nyɛ hu nyɛ maa pee ye weku li kpakpa ja nɔuu, nɛ nyɛ maa to mi okadi ko.

Mose II, 12:11

Nyɛɛ ye ní ɔ kaa blɔ hiali. Nyɛɛ fi nyɛ kpɛti; nyɛ tokota nɛ hi nyɛ nane; nyɛ dɛma tso nɛ hi nyɛ dɛ mi, nɛ nyɛɛ ye ní ɔ esɔesɔ; ejakaa Hetsɔmi nyami ligbi kɛ ha imi, Yawɛ ji nɛ ɔ nɛ.

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Mose II, 12:7

Lɔ ɔ se ɔ, a ngɔ muɔ ɔ eko kɛ diki we mi he nɛ a maa ye lo ɔ ngɛ ɔ sinya tso enyɔ ɔmɛ, kɛ a yiti nɔ́ ɔ a he.

Yoshua 2:18

Ke wa ba su zugba nɛ ɔ nɔ ɔ, fí kpa tsu nɛ ɔ kɛ kpla saflɛ nɛ o kɛ wɔ gu mi kɛ kple si ɔ he. Ha o tsɛ, kɛ o nyɛ, o nyɛmimɛ ɔmɛ, kɛ o tsɛ weku li ɔmɛ tsuo nɛ a ba bua a he nya ngɛ o we ɔ mi hiɛ ɔ.