Mose II, 12:12 - BAIBLO ALOO NGMAMI KLƆUKLƆU Ɔ

¹² “Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Mose II, 12:12 ပူးပေါင်းရင်းမြစ်များ

Kronika I, 14:12

Filisti bi ɔmɛ tu fo kɛ je a mawu ɔmɛ a he, nɛ David ha nɛ a sã mɛ.

La 135:8

Lɛ nɛ e gbe kekleekle bimɛ tsuo ngɛ Egipt, nimli adesahi a bimɛ, kɛ lohwehi a bimɛ.

La 82:1

Mawu daa si ngɛ hiɔwe gua nguaa a mi. E ngɛ kojoli ɔmɛ a hɛ mi kae ke,

La 82:6

I ke, ‘Mawuhi ji nyɛ; nyɛ tsuo Hiɔwe No ɔ bimɛ ji nyɛ.’

La 91:7

Nimli akpe ma gbo ngɛ o kasa nya; akpe nyɔngma ma gbo kɛ bɔle mo kɛ kpe, se moo lɛɛ nɔ́ ko nɔ́ ko be o he sae.

La 95:3

Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

Mose II, 12:23

ejakaa Yawɛ ma ba gu ma a mi kɛ be nɛ e ya gbe Egipt bi ɔmɛ. Se ke e na muɔ ɔ ngɛ sinya tso ɔmɛ a he ɔ, e maa tsɔ sinya a he kɛ be, nɛ e be hae nɛ gbenɔ bɔfo ɔ nɛ ji nɔ hɛ mi kpatalɔ ɔ maa sɛ nyɛ we ɔmɛ a mi nɛ e ba gbe nyɛ.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Mose II, 21:6

lɛɛ e nyɔmtsɛ ɔ maa ngɔ lɛ kɛ ba Mawu hɛ mi. E kɛ lɛ ma ba da sinya a nya, loo sinya tso ɔ he ngɛ lejɛ ɔ, nɛ e maa ngɔ tue gbumi nɔ́ kɛ gbu e tue ha lɛ. Kɛkɛ e ma tsa nɔ ma sɔmɔ kɛ yaa si lɛ, nyɔguɛ ɔ ma gbo.

Mose II, 22:28

“Ko jɛ Mawu; nɛ koo gbiɛ o matsɛ.

Mose II, 6:2

Mawu kɛ Mose tu munyu nɛ e de lɛ ke, “Imi ji Yawɛ ɔ nɛ.

Mose II, 9:6

E nɔ jena a, Yawɛ pee kaa bɔ nɛ e de ɔ. Egipt bi ɔmɛ a lohwe ɔmɛ tsuo gbo; se Israel bi ɔmɛ a ní ɔmɛ lɛɛ kake ngmelu po gbo we.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yeremia 43:12

Ma mɛ Egipt mawu ɔmɛ a jami he ɔmɛ a he la, nɛ Babilonia matsɛ ɔ maa sã mawu ɔmɛ; aloo ke e suɔ ɔ, e maa muɔ mɛ kɛ ho. Kaa bɔ nɛ to hyɛlɔ nuɔ ngmo ngɛ e bo mi nɛ e peeɔ lɛ falifali ɔ, ja pɛ Nebukadnezar maa pee Egipt zugba a falifali. Nɛ ke e gbe nya a, e maa je lejɛ ɔ kɛ tue mi jɔmi.

Yeremia 43:13

E maa ku amagahi nɛ a kɛ tɛ pee, nɛ maa si ngɛ Heliopolis ngɛ Egipt zugba a nɔ ɔ, nɛ e maa sã Egipt mawu ɔmɛ a jami he ɔmɛ.”

Yeremia 46:25

Yawɛ Tabohiatsɛ, Israel Mawu ɔ ke, “Ma gbla Amon, Tebes mawu ɔ, kɛ Egipt mawu kpa amɛ tsuo a tue. Farao ɔ, kɛ nihi tsuo nɛ ngɔɔ a hɛ kɛ fɔɔ e nɔ ɔ, mɛ hu ma gbla a tue.

Ezekiel 12:16

Se kɛ̃ ɔ, ma ha a ti nihi bɔɔ ko maa piɛ; mɛɛ lɛɛ ta, kɛ hwɔ, kɛ gbenɔ hiɔ be mɛ gbee. Kɛkɛ ɔ, a maa jaje ní hiemi ní ɔmɛ nɛ a pee ngɛ je ma amɛ a mi ɔ, nɛ a ma de ke a tɔ̃. Kɛkɛ ɔ, a maa le kaa imi ji Yawɛ.”

Amos 5:17

Nihi maa wo yana ngɛ wai ngmɔ ɔmɛ tsuo a mi, se pi kaa a maa muɔ. Ke i ba nɛ ma ba gbla nyɛ tue ɔ, ní nɛ ɔmɛ tsuo maa ba mi.” Yawɛ lɛ de.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Mose IV, 33:4

Jamɛ a be ɔ mi ɔ, Egipt bi ɔmɛ ngɛ a bitɛte ɔmɛ tsuo nɛ Yawɛ gbe kɛ pueɔ si ɔ pue. Yawɛ pee nɔ́ nɛ ɔ kɛ tsɔɔ kaa e he wa kulaa pe Egipt mawu ɔmɛ.

Samuel I, 5:3

E nɔ jena mɔtu mla benɛ Ashdod bi ɔmɛ te si ɔ, o nɛ Dagon nɛ kuɛli nɔ si, nɛ e hɛ mi bu si ngɛ Yawɛ somi daka a hɛ mi. A wo e nɔ kɛ ma e ma he ɔ ekohu.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.